Uzamukunda Elias ngo yiteguye gukinira Amavubi

Yanditswe na Admin ku wa 29.05.2015 saa 17:36 | Yasuwe : 1,387

Umukinnyi w’umunyarwanda ukinira AS CANNES yo mu Bufaransa Uzamukunda Elias Baby aratangaza ko ntacayamubuza gukinira ikipe y’igihugu Amavubi igihe cyose yaba agiriwe ikizere n’abatoza,ni mugihe umwaka ushize abayobozi ba FERWAFA bari bamushinjije gushyire inyungu ze imbere aho kurwanira ishyaka igihugu cye.

Uzamukunda yaherukaga kuvugwa mu mavubi muri Kanama umwaka ushize nyuma y’aho Ishyirahamwe ry’umupira w’amaguru mu Rwanda FERWAFA ryumvikanye rishinja uyu mukinnyi gushyira inyungu ze imbere kuruta iz’ikipe y’igihugu. Ibi byari bitewe n’uko yanze kwitabira ubutumire bw’Amavubi avuga ko agiye gushaka ikipe yerekezamo gusa we avuga ko ari amakuru yatanzwe nabi.

Ubwo yaganiraga n’Imvaho Nshya dukesha iyi nkuru rutahizamu Uzamukunda Elias Baby yavuze ko igihe yashinjwaga urukundo ruke ku ikipe y’igihugu Atari byo ko ahubwo ikibazo ari uburyo butanoze bwo guhererekanya amakuru hagati y’abayobozi ba FERWAFA n’abakinnyi.

Yagize ati” Navuganye na Team Manager w’amavubi, ambwira ko umutoza anshaka, ntegereje ko bazampamagara, njye nditeguye nibampamagara nzaza.

elias

Uzamukunda avuga ko kandi ikipe y’igihugu ari yo yamuhesheje amahirwe yo kujya gukina i Burayi avuga ko rero atatatira igihango yagiranye n’ikipe y’igihugu cye.

Yagize ati” Njye mbisubiramo kandi nzahora mbisubiramo. Njya mu Bufaransa si uko nari mvuye muri APR FC , ni uko bambonye mu Mavubi. Ni gute nakwanga gukinira ikipe mu gihe ari yo yamfashije kugera hano. Buri wese avuga ibyo ashaka ariko ukuri ni uko nkubwiye

Uyu mukinnyi kandi yemeje amakuru avuga ko abayobozi ba FERWAFA baba baramusabye ko yazakinira amavubi mu mikino itaha cyane cyane iyo gushakisha itike yo gukina imikino ya nyuma y’igikombe cya Afurika CAN izaba mu mwaka wa 2017 avuga ko azitabira kandi ko azitanga 100%.

Uyu mukinnyi ukina mu b’imbere kandi yaboneye ho gutangaza ko ikipe ye ya AS CANNES uyu mwaka ititwaye neza gusa ngo shampiyona itaha afite ikizere cyo kuzabona indi kipe nziza.

Tanga igitekerezo na Facebook

Tanga igitekerezo