Usengimana Faustin nawe ashobora gukurikira Djihad muri APR

Yanditswe na Admin ku wa 12.07.2015 saa 10:17 | Yasuwe : 1,534
Nyuma ya Djihad Bizimana wamaze gusinya amasezerano y’imyaka ibiri muri APR FC na Faustin Usengimana myugariro wa Rayon Sports ashobora kwerekezayo.Adolphe Kalisa bita Camarade, Umunyamabanga Mukuru mu ikipe ya APR FC avuga ko nyuma ya Djihad bashobora kugura n’abandi bakinnyi bakwifashisha umwaka utaha mu gihe abo bari bafite barangije amasezerano ndetse berekeza n’ahandi.

Umunyamakuru yamubajije niba koko amakuru avuga ko bifuza na Faustin Usengimana, Adolphe umunyamabanga asubiza ko byose bishoboka kuko hari abo bari mu biganiro, ariko bazabitangaza mu gihe kiri imbere.

Yagize ati”twe dufite ubushobozi bwo kugura umukinnyi uwo ariwe wese mu Rwanda niyo mpamvu abatoza baramutse badutungiye agatoki ku mukinnyi tuzahita tumuzana ntakabuza”.

Avuga ko hari imyanya yo mu ikipe yabo y’abakinnyi bari basanzwe bakinamo mu kibuga ariko bagiye kwerekeza ahandi kandi bagomba kuyisimbuzamo abandi.

 faustinKu ruhande rw’ikipe ya Rayon Sports ikomeje gutakaza abakinnyi muri uyu mwaka hamaze kugenda 4 barabivugaho iki?

Ntampaka Théogène umuyobozi w’ikipe ya Rayon Sports avuga ko ikibazo cyo kuba abakinnyi bari kwereza mu yandi makipe, ariko ubushobozi bukiri buke ariko bagiye gufata ingamba z’umwaka utaha.

Yagize ati “tugiye kubanza kubaka ubushobozi kuko tudafite amikoro ahagije, ariko ndakeka ko mu gihe kiri imbere nituba dufite ubushobozi nta mukinnyi uzongera kuducika”.

Abakinnyi bamaze kugenda ni: Ndatimana Robert werekeje muri Police, Ndayisenga Fuadi na Aphrodis Hategekimana bakunda kwita Kanombe berekeje muri Sofapaka basinye imyaka ibiri ndetse na Djihad Bizimana wamaze gusinya mu ikipe ya APR FC.

Tanga igitekerezo na Facebook

Tanga igitekerezo