Usengimana Danny yageze muri Police FC

Rutahizamu w’ikipe y’Isonga Danny Usengimana yamaze gusinya amasezerano y’imyaka ibiri muikipe ya  Police FC kuri Miliyoni eshatu z’amanyarwanda.

Amakuru aturuka mu ikipe ya Police FC ndetse n’ikipe y’Isonga FC aremeza ko amafaranga uyu musore yaguzwe yayagabanye n’ikipe y’Isonga FC na SEC Academy ishuri ryamwigishije umupira mbere yo kujya mu Isonga FC.

Usibye Usengimana, Police FC yamaze no kuzana mugenzi we bakinanaga  mu Isonga FC Hachim Dieumerci nawe watanzweho miliyoni imwe y’amanyarwanda.

danny

Mbere y’uko iyi shampiyona irangira Police FC imaze gusinyisha abakinnyi bagera kuri bane barimo Neza Anderson ukina hagati wahoze ari kapiteni w’ikipe y’igihugu  y’abatarengeje imyaka 20 wanakinaga muri Academy Futelite yo muri Espagne  ndetse na Mohamed Mushimiyimana wahoze mu ikipe ya AS Kigali wari waragiye gushaka ikipe ku mugabane w’uburayi ariko akaza gutsindwa n’igeragezwa.

Tanga igitekerezo na Facebook

Tanga igitekerezo