Urutonde rw’abakinnyi babatijwe

Nyuma y’aho ikipe y’igihugu Amavubi ihagarikiwe mu marushanwa yo gushaka itike yo kujya mu gikombe cya Afurika kubera ikibazo cy’umukinnyi Daddy Birori, ubu abakunzi b’umupira w’amaguru mu Rwanda baribaza ikizakurikiraho.

Tubibutse ko Congo Brazzaville yareze u Rwanda ko rwakinishije umukinnyi witwa Dady Birori kandi afite ibyangombwa bindi muri CAF ku mazina ya  Etekiama Agiti Tady,Ferwafa yari yireguye ivuga ko izi umukinnyi umwe ari we Birori Dady nyamara mu mabaruwa yagaragajwe na CAF, Ferwafa yarasabye Vita Club ko yaboherereza umukinnyi Etekiama Agiti Tady, ubwo yateguraga umukino wa Libya.

Mu mupira w’amaguru kuva cyera umukinnyi ashobora guhabwa ubwenegihugu bwa kabiri adahinduye amazina. Mu Rwanda ho byabaye ngombwa ko abakinnyi b’abanyamahanga bitabazwaga mu makipe no mu ikipe y’igihugu akenshi bahindurirwga amazina.

bokotantaganda

                                                    Bokota Kamana na Ntaganda Elias ni bamwe mu babatijwe

Umwe mu bantu bamaze igihe mu mupira akaba n’umwe mu bayobozi ba  Mukura Padiri Welarisi Mugengana yemereye itangazamakuru ko ari bo bibatirije Daddy Birori bakamwambura izina rye ry’ubu congomani ariryo Etekiama Agiti Tady. Padiri yavuze ko muri icyo gihe byari bigezweho.Usibye Daddy Birori , abo hambere baranibuka umukinnyi wabicaga bigacika muri Mukura Nderema Jules  wabatijwe Ndamage Jules ndetse na  Sibomana Hussein.

Andi makipe nayo ntiyatanzwe .Rayon Sports yabatije  KalisaClaude, Kalisa Casse, Kalisa Mao,.. Ikipe ya APR FC yabatije Mukandila Pierre, Karangwa John n’adandi.

Amakipe nka Mukura Victory Sport, Rayon Sport, APR FC, Police FC Kiyovu Sport Kibuye FC n’ayandi yavuzweho cyane guhimba amazina abanyamahanga ngo bakunde bakine muri shampiyona y’u Rwanda bafatwa nk’Abanyarwanda. Ibi byaje gukomereza no mu ikipe y’igihugu Amavubi aho abo bakinnyi binjizwagamo nta nkomyi ndetse rimwe na bamwe ugasanga amazina bakoresha mu ikipe y’igihugu atari yo bazwiho mu ma clubs.

Iyo usesenguye ibyaranze amateka y’umupira w’amaguru mu Rwanda , usanga uyu muco wo kwita amazina kuva na cyera  wari uhari. Gusa itandukaniro rigaragara ni uko icyo gihe umukinnyi w’umunyamahanga atashoboraga kwinjira mu ikipe Amavubi kabone n’ubwo yabaga yarahawe amazina y’amanyarwanda kandi biboneka ko afatiye runini ikipe ye. Muri bo twavuga nka Youssouf Nzabanita bitaga Bakari ( Etincelles FC), Paul Sinanga (Mukungwa Sport), Jules Ndamage Ryangombe Kangamina (Mukura Victory Sport), Michel Habyarimana (Mukungwa Sport) n’abandi.

Ikipe y’igihugu Amavubi nayo ntiyatanzwe mu kubatiza.Abo bose nta bwenegihugu bw’ubunyarwanda bagira, gusa kuba barakiniye ikipe y’igihugu, bituma aba bashobora gukina nk’abanyarwanda mu makipe yabo.

Ikibazo cyagiye kiba uko ingoma za Ferwafa zagiye zisimburana, ni uko ntawigeze abigiraho ikibazo nubwo bose bari bazi ko atari abanyarwanda.

 bitaga Bakari ( Etincelles FC),  (Mukungwa Sport), Jules Ndamage Ryangombe Kangamina (Mukura Victory Sport),(Mukungwa Sport)

Dore bamwe mu babatijwe:

  1. Ndelema Kangamina Jules=Ndamage Jules
  2. Youssouf Nzabanita=Bakary Nzabanita
  3. ?=Sinanga Paul
  4. ?= Habyarimana  Michel
  5. Kambale Salita Gentil = Pappy Kamanzi
  6. Julius Bakabulindi = Kaburindi Julius
  7. Kawuma Charles = Gakumba Charles
  8. Sena Abedi Jerome= Sina Jerome
  9. Peter Otema = Kagabo Peter
  10. Kasongo Kabiona= Kalisa Mao
  11. Jean Pierre Mukandira= Kabanda Laurent
  12. Bokota Labama= Kamana Bokota
  13. Mbuyu Twitte= Gasana Eric
  14. Kasusura Jean= Ismael Mussa
  15. Nkanu Mudiyavanga =Mugabo Robert
  16. ?=Gasana Philip Pitchou
  17. Ruhinda Faruk = Sejuuko Saifi Farouk
  18. Janvier Bisonga=Ntaganda Elias
  19. Kasereka Fabrice =Mutuyimana Mussa
  20. ?=Sibomana Hussein
  21. Tabu Ete Mafisango=Mutesa Patrick Mafisango
  22. Lokota Jean= Karangwa John
  23. Mutaki Jean Baptiste Kasereka=Kalisa Kasse
  24. ?=Ujeneza Robert Kolo
  25. Mike Yossam=Karangwa Michel
  26. Ramuson Ramdhan= Ramazani Nkunzingoma
  27. Rafael Juao Elias= Elias Manamana
  28. Kaseleka Aluwa=Gaseruka Aluwa
  29. Bawuma Berisi=Nahimana Jonas

Abahagarariye umupira w’amaguru mu Rwanda ni ukuvuga Minisiteri ya Sport n’Umuco n’Ishyirahamwe FERWAFA ndetse n’abayobozi b’amakipe anyuranye bakwiye gufatira isomo ku bihano byahawe u Rwanda bakagirira icyizere abakinnyi b’abenegihugu hanyuma abanyamahanga baje gukina mu gihugu bakaza biciye mu nzira zizwi zizira amanyanga.

Tanga igitekerezo na Facebook

One thought on “Urutonde rw’abakinnyi babatijwe

  • 17/12/2015 at 00:00
    Permalink

    Shamanga Pelly: Sinanga Paul
    Kasanganjo ” Depolo” : Habyalimana Michel
    Rashid : Uliwabo
    Mukasa Ismael : Mbarushimana Ismael
    Rovy : Kadihira
    José : Nshogoza
    David Miro : Miruho David

    Aba bali muli Mukungwa Sports

    Reply

Tanga igitekerezo