Umuzamu Kwizera Olivier azajya muri Bidvest yo muri Afurika y’Epfo.

Yanditswe na Admin ku wa 15.07.2015 saa 00:02 | Yasuwe : 1,233

Umuzamu w’ikipe ya APR FC Kwizera Olivier azerekeza mu ikipe ya Bidvest yo muri Afurika y’Epfo nyuma y’irushanwa rya CECAFA Kagame Cup rizatangira kuri uyu wa gatandatu.

APR FC izitabira iri rushanwa rizabera mu gihugu cya Tanzaniya guhera tariki  ya 18/Nyakanga /2015 kugeza tariki 02/ Kanama/2015.

Aganira n’itangazamakuru, Kwizera Olivier yavuze ko yiteguye kwitwara neza muri Cecafa azakina mbere yuko yerekeza muri Afurika y’Epfo nubwo amaze igihe afite ikibazo cy’imvune.

??????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????

“Ikibazo cy’imvune kiracyahari, ariko muri aya masaha, birikugabanyuka ku buryo nakora imyitozo, ngashobora gukina, nkajyana n’abandi muri CECAFA.CECAFA ngomba kuyikina kuko ikipe (Bidvest) twumvikanye ko ngomba kugenda nyuma yayo. Bifuje ko nagerayo mbere nkakorana nabo muri pre-season, noneho nkasinya nyuma.”

Uyu muzamu akaba avuga ko atigeze agora ikipe ya APR FC , ahubwo ari imvune afite yatumaga atitabira imyitozo, yongera ho ko afite icyizere cyo kwitwara neza muri iri rushanwa riterwa inkunga n’umukuru w’igihugu cy’u Rwanda.

Kwizera Olivier yari umunyezamu wa mbere w’ikipe ya APR FC kuva aho Ndoli Jean Claude agiriye imvune muri Nyakanga 2014.Akaba ataragaragaye muri imwe mu mikino y’igikombe cy’amahoro yakurikiye nyuma y’umukino ikipe y’igihugu Amavubi yatsinzemo Mozambique igitego 1-0 tariki 14 Kamena uyu mwaka i Maputo.

Tanga igitekerezo na Facebook

Tanga igitekerezo