Umuyobozi wa Ferwafa yahuye n’abahagarariye itangazamakuru

Yanditswe na Rwanda Football ku wa 02.11.2014 saa 15:18 | Yasuwe : 592

Umuyobozi wishyirahamwe ry’umupira w’amaguru mu Rwanda  Bwana Vincent Nzamwita yahuye mu nama nyungurana bitekerezo n’itsinda ry’abayobozi b’ibitangazamakuru na banyirabyo kuri uyu wa gatanu ku cyicaro cyaryo i Remera.

Iyi nama yari igamije kungurana ibitekerezo no kurebera hamwe uburyo impande zombi zanoza imikoranire igamije mu guteza imbere umupira w’amaguru mu Rwanda.

degaulle1

Iyi nama kandi yagarutse ku bimaze iminsi bivugwa kw’ igurishwa ry’uburenganzira ryo kwerekana shampiyona y’icyiciro cya mbere y’umupira w’amaguru ku ma radio na TV (Broadcasting Rights).

Abayobozi b’amaradiyo batanze ibyifunzo byabo bitandukanye hanyuma umuyobozi wa Ferwafa abizeza ko umwanzuro uzafatwa mu minsi ya vuba cyane itazababangamira mu kazi basanzwe bafashamo FERWAFA ariko ko guteza imbere umupira w’amaguru mu Rwanda.

Nzamwita yashimiye abayobozi b’amaradiyo ku bitekerezo byubaka bigamije kunoza imikoranire yabo na FERWAFA ndeste n’iterambere ry’umupira w’amaguru mu Rwanda.

Tanga igitekerezo na Facebook

Tanga igitekerezo