Umuyobozi wa ferwafa yabonanye n’abana b’Abanyarwanda bakina mu bubiligi

Yanditswe na Rwanda Football ku wa 11.07.2015 saa 18:49 | Yasuwe : 1,092

Perezida w’ishyirahamwe ry’umupira w’amaguru mu Rwanda (FERWAFA), Bwana Vincent Nzamwita yahuye n’abana b’A banyarwanda bakina umupira mu gihugu cy’Ububiligi kuri uyu wa Gatandatu.

Aba bana bafite hagati y’imyaka 10 na 18 bahuye n’umuyobozi wa Ferwafa bari kumwe n’ababyeyi b’abo hanyuma bakinana umupira bakaba bakina muri za academy zikomeye zirimo Anderlecht, Standard de Liege, n’izindi bageraga kuri 50.

Aganira n’urubuga rwa Ferwafa  , Nzamwita  De Gaulle yavuze ko yashoboye kubona ko hari impano kandi abenshi bari muri za Academy. Yagize ati : “Nababwiye ko icyanzanye ari kubashishikariza gukunda igihugu cyabo nubwo batanahagera kenshi. Nabahaye urugero rwabahanga nka Lionel Messi, Samuel Eto’O Fils, Yaya én’abandi banze gukinira ibindi bihugu byabashakaga bagakinira ibihugu byabo byababyaye.”

degaulleabana

Aba bana basabye perezida wa Ferwafa kubasabira leta y’u Rwanda kubafasha bakamenya igihugu cyabo.

De Gaulle ati : “Bose bazi Nyakwubahwa Paul Kagame ariko ntawundi muyobozi numwe bazi. Byari byiza cyane cyane ubona ko bashaka kumenya u Rwanda. Nabemereye ko ngiye kubabera umuvugizi mu biruhuko ku buryo mu kwezi kwa cumi n’abiri tuzashakishe ubushobozi dufatanyije n’ababyeyi babo ngo baze mu Rwanda bahamenye banakinane n’abandi bangana n’abo baba hagati mu gihugu,”

Umwe muri aba bana witwa Tresor afite imyaka 16 akaba afite amasezerano n’ikipe ya Anderlect y’imyaka 3 kandi yakiniye ikipe y’igihugu y’Ububiligi y’abatarengeke imyaka 16.

Nyuma yo gusura aba bana, Nzamwita arerekeza I Lausane kuwa kabiri mubiganiro na Quentin Rushenguziminega hamwe n’ababyeyi be kugirango ashobore kwagura ibiganiro uyu mukinyi yari yaragiranye na umutoza mukuru w’ikipe y’igihugu Johnathan McKinstry aherekiye kugirira mu gihugu cy’Ubufaransa.

Tanga igitekerezo na Facebook

Tanga igitekerezo