U Rwanda mu kanama gategura amarushanwa ya CAF

Yanditswe na Admin ku wa 02.06.2015 saa 10:43 | Yasuwe : 703

Umuyobozi w’ishyirahamwe ry’umupira w’amaguru mu Rwanda (Ferwafa) Nzamwita Vincent Degaule na bagenzi be babiri bashyizwe mu kanama gahoraho gategura amarushanwa y’Afurika (CAF).

Usibye umuyobozi wa Ferwafa harimo n’umunyamabanga mukuru muri Ferwafa Mulindahabi Olivier ndetse na Ntagungira Celestin bita Abega wahoze ayobora Ferwafa.

Nzamwita uyobora Ferwafa avuga ko iyi komite ya CAF yari ayisanzwemo kuko ahanini ishingiye mu gutegura irushanwa rya CHAN u Rwanda ruzakira umwaka utaha.

degaulle

Degaule yagize ati “njye n’umunyamabanga wa Ferwafa Mulindahabi twari dusanzwe muri iyi Komite ariko twifuje ko n’abandi badufasha kugira ngo iri rushanwa twitegura rizabashe kugenda neza twasabye CAF ko yakongeramo na Ntagungira usanzwe ari umusifuzi mpuzamaganga kandi akaba n’inararibonye mu mupira w’amaguru”.Avuga ko iyi komite ubundi imara imyaka ibiri hagashyirwaho abandi cyangwa se abariho bagakomeza.

Abandi bari muri iyi Komite ni: Feizal Sidat wo muri Mozambique, Tesfaye Gebreyesus (Eritrea) Osama Ata Elmanan Hassan (Sudan) Pedro de Morais Neto (Angola) Jean-Michel Mbono (Congo) Suleiman Hassan Waberi (Djibouti) Frederic Eric Crentsil (Ghana) Salifou Camara (Guinea) Sam Nyamweya (Kenya) Moctar Mahamoud (Chad) Musa Bility (Liberia) Fouzi Lekjaa (Morocco) Aminu Mohamed Maigari (Nigeria) Djibrilla Hima Hamidou (Niger) Boubacar Baba Diarra (Mali) El Tashani Anwar (Libya) Folly Ekoue Antoine (Togo) Dr. Molefi Oliphant ( South Africa) na Nzamwita Vincent Degaule ( Rwanda).

Tanga igitekerezo na Facebook

Tanga igitekerezo