Umutoza wa Rayon Sports yageze mu Rwanda

Umutoza mushya wa Rayon Sports Jean François Losciuto yageze i Kigali kuri uyu wa gatandatu 19 Nyakanga mu ma saa tatu z’ijoro.

Ku kibuga cy’indege i Kanombe aba Rayons bari baje ari benshi  kwakira umutoza mushya wabo baherekejwe n’abayobozi bakuru babo .

Akigera mu Rwanda yabwiye abanyamakuru ko yashimishijwe cyane nuko yakiriwe n’abafana bangana gutya.Yatangaje ko aje gufatanya na Rayon Sports  kugera kuri byinshi  bahereye ku gikombbe cya CECAFA y’amakipe kizakinirwa mu Rwanda mu kwezi gutaha kwa munani.

losciuto7
Jean francois Losciuto aje ava muri  Togo aho yatozaga ikipe yitwa  Anges de Notsè FC akaba yarafashije iyi kipe kugera mu mikino y’amakipe yabaye aya mbere iwayo muri Africa.

Kuri gahunda kuri icyi cyumweru niho uyu mutoza mushya yerekeje ku cyicaro gikuru cya Rayon Sports i Nyanza aho yagiye kwerekwa abakinnyi no gusinya amasezerano.
Jean Francois Losciuto asimbuye Luc Eymael wasezeye  muri Rayon Sports kubera ibihano yafatiwe n’ubuyobozi bw’Umupira w’amaguru mu Rwanda.

Source : www.rayonsports.net

Tanga igitekerezo na Facebook

Tanga igitekerezo