Umutoza wa Rayon David Donadei hari ibyo yisabira Ferwafa

Yanditswe na Rwanda Football ku wa 25.09.2015 saa 00:02 | Yasuwe : 2,743

Umufaransa David Donadei  umaze ibyumweru bibiri atoza Rayon Sports yamaze kugaragaza ibyifuzo bibiri ageza  ku Ishyirahamwe ry’umupira w’amaguru mu Rwanda  ariko by’umwihariko kuri Nzamwita Vincent De Gaule umuyobozi wayo.

Nkuko tubicyesha ikinyamakuru Imvaho nshya,icyifuzo cya mbere uyu mutoza aha Degaulle cyaturutse ku byo  yabwiwe akigera mu Rwanda by’uko Degaulle azira Rayon Sports, agaharanira inyungu za APR FC. Donadei yasabye uyu muyobozi kwirinda kugira ikipe abogamiraho iyo ari yo yose, ahubwo akita ku iterambere ry’umupira w’u Rwanda.

Ibi yabivuze muri aya magambo : ” Numvishe ibihuha by’uko FERWAFA iharanira inyungu za APR FC, numva ko Perezida wa FERWAFA atinya abayobozi ba APR FC, akaba n’umufana wa APR FC. Ibyo simbizi, ariko nzagenda menya ukuri kuba mu mupira w’Afurika. Nizeye ko Perezida wa FERWAFA ibyo bamuvugaho atari byo. Numva yakagiye mu nyungu z’amakipe yose bitari ibyo gushyigikira ikipe imwe. Ubusanzwe akamaro ke nako kureba uburyo umupira watera imbere”.

rayonibada13.jpg

Icyifuzo cya kabiri cya Donadei, kijyanye no gutunganya bimwe mu bibuga by’umupira w’amaguru, kuko harimo ibyangiritse ku buryo bikwiye gusanwa.

Ibi byo yabivuze ubwo yari amaze gutsinda Marines Fc ibitego 2-0 ku kibuga cya Tam Tam. Agira ati :” Ibibuga byo mu Rwanda biteye ubwoba. Ubu butumwa mbuhaye umuyobozi  wa FERWAFA, nagerageze aduhe ibibuga abana bafite impano bo mu Rwanda bakine”.

Kuri uyu wa Gatatu taliki 23 Nzeri 2015, uyu mutoza aratoza umukino wa kabiri muri shampiyona, ubwo Rayon Sports iza kuba yakira AS Kigali kuri Sitade Muhanga.

Tanga igitekerezo na Facebook

Tanga igitekerezo