Umutoza wa Rayon arahamagarira abafana kuyishyigikira

Yanditswe na Rwanda Football ku wa 27.02.2015 saa 15:21 | Yasuwe : 982

Nyuma y’imyitozo yo ku mugoroba wo kuri uyu wa kane, Habimana Sostene utoza Rayon Sports yagize ati “Ndasaba imbazi abafana b’ikipe ya Rayon sport kuko tutashoboye kubatsindira ikipe ya APR FC”

Sosthene Habimana akomeza avuga ko ubu bari kugerageza gukosora amakosa bakoze mu mukino wa shampiyona uheruka kubahuza na mukeba.Akomeza avuga ko abafana bagakwiriye kuba abasportive bakabashyigikira ikipe ya Rayon sport ku mukino na Panthere ati “twaratsinzwe muri week-end ishize ubu nibwo bidukomereye kandi dukeneye umusanzu wabo.”

Fuadi Ndayisenga kapiteni wa Rayon yatangaje ko nyuma yo gutsindwa na APR FC biyakiriye ariko ubu ngo icyo bashyizeho umutima ari ugusezerera Panthere du Nde

sostene1

Ikipe ya Panthere du Nde ikina na Rayon sport FC yaraye igeze mu Rwanda, ije gukina umukino wo kwishyura wa CAF Confederation Cup uzaba ku cyumweru.

Ni ikipe yaje igizwe n’abantu 24 barimo abakinnyi ndetse n’abayiherekeje, icumbikiwe kuri La Palisse Hotel i Nyandungu.Kuri uyu wa gatanu irakorera imyitozo kuri Stade Amahoro bitegura umukino wo ku cyumweru nkuko biteganwa n’amategeko ya CAF .

Umukino uzahuza Rayon Sports na Panthère du Ndé uzayoborwa n’abasifuzi bakomoka mu gihugu cya Kenya:Anthony Ogwayo azaba ari mu kibuga hagati, yungirijwe na Omondi ndetse na Joshua Achilla. Umusifuzi wa kane akazaba ari Israel Mpaima. Aba bose bakomoka muri Kenya.

Umukino ubanza wari wabereye i Douala, ikipe ya Rayon Sports ihatsindira Panthere du nde 1-0. Igitego cya Leon Uwambajimana ku munota wa gatandatu w’umukino .

Kwizera Pierrot ni we mukinnyi uzongerwamo utarakinnye umukino ubanza mu gihe rutahizamu Sina Jerome we atazakina uyu mukino kuko ibyangombwa bye bitarasobanuka.

Hagati ya Rayon Sports na Panthère du Ndé izakomeza izahura n’ikipe ya Zamalek yo mu Misiri yo igomba gutangirira mu cyiciro gikurikira muri aya marushanwa.

Tanga igitekerezo na Facebook

Tanga igitekerezo