Umutoza Seninga yasubijwe ku kazi mu Isonga FC

Yanditswe na Admin ku wa 30.12.2014 saa 20:19 | Yasuwe : 777

kuri uyu wa kabiri Umutoza Seninga Innocent wari warasezerewe ku mirimo ye  na Komite nyobozi y’Isonga FC yasubijwe mu kazi  na Ministeri y’umuco na Sport isanzwe ifasha Isonga .

Mbere yo gusezerera uyu mutoza, abayobozi b’Isonga ntibari bagishije inama Ministeri y’umuco na Siporo kandi ari yo itanga amafaranga  iyi kipe ikoresha mu buzima bwayo bwa buri munsi haba mu guhemba abatoza n’abakinnyi.

seninga

Ibi bije nyuma y’ubwumvikane bucye bwari bumaze iminsi burangwa hagati y’ubuyobozi bw’Isonga n’abakinnyi byageze naho  ku wa mbere aba bakinnyi banga gukora imyitozo kuko  bavugaga ko ubuyobozi butabahaye ibyangombwa bibafasha mu mikinire yabo harimo n’ubwishingizi bw’indwara.

Seninga yari yirukanwe kubera kutubahiriza ibikubiye mu masezerano yari yagiranye n’ububobzi bw’Isonga.Uyu mutoza wabyigiye mu Budage yirukanwe ku itariki ya 17 Ukuboza 2014 nyuma y’amezi ane asimbuye Yves Rwasamanzi wari wazamuye Isonga mu cyiciro cya mbere.

Kugeza ku munsi wa 11 wa Shampiyona, Isonga iri ku mwanya wa nyuma muri, yatsinzwe imikino umunani, inganya imikino itatu.

Tanga igitekerezo na Facebook

Tanga igitekerezo