Umutoza mushya wa Rayon yatangiye atsinda

Yanditswe na Admin ku wa 28.07.2014 saa 13:14 | Yasuwe : 704

Source: Rayon Sports website

Umutoza mushya wa rayom Sports Jean Francois Luscuito yatangiye neza akazi ku cyumweru tariki 27/07/2014, ubwo yatsindaga umukino wa gicuti  na Darling Club Virunga yo muri Repubulika Iharanira Demokarasi ya Congo Ibitego 2-0

Uyu mukino wari ugamije kureba umusaruro wavuye mu myitozo y’icyumweru umutoza amaranye n’abakinnyi no kugerageza abakinnyi bashya  bashobora gusinyira Rayon sports .

Nkubo bigenda iyo Rayon Sporst yakinnye , abakunzi bayo  bari bitabiriye uno mukino wari mu rwego rwo kwitegura igikombe cya Cecafa no kugerageza abakinnyi bashya .

Ibitego bya Rayon Sports byinjijwe icya mbere na  Hategekimana Aphrodis Kanombe ku munota wa 42′ icya kabiri na na Samson Jakeshi utari uherutse kwigaragaza mu minota ya nyuma.

Losciuto

Umutoza Luscuito  yatangarije itangazamakuru ko agomba gukina imikino ya gicuti myinshi harimo n’uwa Police FC mu mpera z’iki cy’umweru, kugira ngo akomeze kwitegura neza mbere y’itangira ry’ irushanwa rya CECAFA Kagame cup  tariki ya 8 Kanama 2014 aho Rayon Sports izacakirana na Yanga Africans yo muri Tanzaniya.

Yakomeje avuga ko abakinnyi be bitwaye neza akurikije ibyo bakoze mu myitozo y’icyumweru cya a mbere bamaranye aho yabanze cyane mu  kongerera imbaraga abakinnyi (condition physique ), yongeraho ariko ko yasanze hakenewe cyane  abakinyi bo ku mpande iburyo n’ibumoso bo kunganira kapiteni Fuadi Ndayisenga.Ngo ategereje kandi abakinnyi be bari mu ikipe y’igihugu Amavubi n’abandi basobora kuzongererwa amasezerano

Yarangije avuga ko ikipe ye icyeneye cyane imikino ya gicuti mu rwego rwo gukomeza kwitegura  CECAFA, bikaba biteganijwe ko Rayon Sports izakina umukino wa gicuti na Police FC ku cyumweru.

Dore abakinnyi babanjemo ku ruhande rwa Rayon Sports :

1.Gerald Bikorimana
2.Makenzi Nizigiyimana
3.Moses Kanamugire
4.Alipe Majyambere
5.Alafat Serugendo
6.Hussein Sibomana
7.Eric Irambona
8.Leon uwambajimana
9.Papy Kamanzi
10.Aphrodis Kanombe
11.Fuadi Ndayisenga(c)

Tanga igitekerezo na Facebook

Tanga igitekerezo