Umutoza Constantine yahamagaye abakinnyi 26

Umutoza w’ikipe nkuru y’u Rwanda Amavubi Stephen Constantine yahamagaye abakinnyi 26 bagomba kwitegura umukino mpuzamahanga wa gicuti uzahuza u Rwanda na Maroc tariki ya 14/11/2014 I Marrakech.

Abakinnyi bose bahamagawe nyuma y’imikino y’umunsi wa karindwi wa shampiyona  bagomba kuba bagenze kuri Hotel Umubano ku Kacyiru ku cyumweru tariki 09/11/2014 bitarenze saa kumi n’ebyiri za nimugoroba .

Amavubi azakorera imyitozo kuri Sitade Amahoro kabiri ku munsi kuwa mbere no kuwa kabiri  mbere y’uko berekeza Maroc kuwa gatatuaho umukino uzabahuza na  MAROC  uzabera kuri Sitade ya Complexe Sportif de FES I Marrakech tariki ya 14/11/2014 I saa moya z’ijoro.

Mu kiganiro n’itangazamakuru Constantine yagize ati  “Turatangira imyiteguro ku cyumweru. Twahamagaye abakinnyi 26 kuko nkeneye neza kwitegereza abakinyi bamwe.Nubwo dufite iminsi ibiri gusa yo kwitegura nubwo atari myishi ariko tuzagenda tugerageze kwitwara neza.Tumaze igihe kinini tudakina kandi kuba tugiye gukina uyu mukino nibyiza ku bakinnyi kandi tugomba kugenda tukwitwara neza.”

constantine

Constantine yagarutse ko mpamvu atahamagaye kapiteni w’ikipe Haruna Niyonzima ukina muri Young Africans ya Tanzania ndeste na myugariro Salomon Nirisarike ukinira mu bubiligi, avuga ati, “Nibyo byari kuba byiza iyo aba bakinnyi baza ariko ubwo tugiye gukina n’ikipe ya Maroc ya CHAN, nibyiza ko duha amahirwe abakinnyi bacu bakina mu Rwanda amahirwe yo kuba bakina uyu mukino bakagira ibyo bawigiramo,”

Uyu niwo mukino wa mbere Amavubi azaba akinnye nyuma yaho CAF ihaniye u Rwanda ikarukura  mu majonjora yo gushaka tike yo gukina igikombe cya Afurika cya 2015 kubera gukinisha umukinnyi Daddy Birori ukenkwaho kuba yari afite ubwenegihugu bubiri.

Amavubi ari ku mwanya wa 95 ku isi ku rutonde ngaruka kwezi rwa Fifa naho Morocco iri ku mwanya wa 88.U Rwanda rukaba rwiteguye kwakira imikino y’Afurika ku bakinnyi bakina imbere mu gihugu (CHAN) izaba muri 2016.

U Rwanda rumaze gukina na Maroc imikino ibiri, mu majonjora yo gushaka itike y’igikombe cy’Isi cyo mu 2010, u Rwanda rwatsinze Maroc ibitego 3-1 bya Bokota Labama, Saidi Abedi Makasi na Karekezi Olivier i Kigali mu mukino wo kwishyura Maroc itsinda u Rwanda ibitego 2-0 i Casablanca.

Abakinnyi bahamagwe:

Abanyezamu: Marcel Nzarora (Police Fc), Jean Luc Ndayishimiye (Rayon Sports), Olivier Kwizera (APR Fc)

Aba myugariro: Michel Rusheshangoga (APR Fc), Hamdan Bariyanga (AS Kigali), Eric Rutanga (APR Fc), Sibomana Bakari (Rayon Sports), Emery Bayisenge (APR Fc), Herve Rugwiro (APR Fc), Ismael Nshutiyamagara (APR Fc)

Ba Mediyateri: Jean Paul Havugarurema (Rayon Sports), Jean Baptiste Mugiraneza (APR Fc), Rachid Kalisa (Police Fc), Kevin Muhire (Isonga Fc), Robert Ndatimana (Rayon Sports), Jean Claude Iranzi (APR Fc), Patrick Sibomana (APR Fc), Jacques Tuyisenge (Police Fc), Justin Mico (AS Kigali), Savio Dominique Nshuti (Isonga Fc)

Ba Rutahizamu: Bertrand Iradukunda (APR Fc), Michel Ndahinduka (APR Fc), Ernest Sugira (AS Kigali), Danny Usengimana (Isonga fc), Innocent Ndizeye (Amagaju), Vedaste Niyibizi (Sunrise Fc)

Tanga igitekerezo na Facebook

Tanga igitekerezo