Umutoza Andy Mfutila yasinye umwaka umwe muri Rayon Sports

Yanditswe na Rwanda Football ku wa 17.11.2014 saa 15:12 | Yasuwe : 1,100

Rayon Sports kuva kuri uyu wa mbere taliki ya  17 Ugushyingo 2014 ifite umutoza mushya ariwe  Andy Magloire MFUTILA 

Uyu mutoza ukomoka mu gihugu cy’abaturanyi cya Congo Democratique yamaze kumvikana na Rayon Sports asinyana nayo amasezerano yo gutoza  mu gihe cy’umwaka umwe ushobora kongerwa.

Andy Magloire MFUTILA yageze i Kigali kuri uyu wa gatandatu ku wa 15 Ugushyingo ahita atangira kugirana ibiganiro  n’ikipe ya Rayon Sports bikaba byarangiye uno munsi ashyize umukono ku masezerano y’umwaka anahabwa inshingano eshatu zikurikira :

1.Kugeza kure hashoboka Rayon Sports mu marushanwa mpuzamahanga izitabira;

2. Gutwara ibikombe byose bikinirwa mu Rwanda;

3. Kubaka ikipe ishingiye kuri gahunda/Politiki y’imikino y’umupira w’amaguru mu Rwanda.

Ku ruhande rwe ,umutoza Andy Magloire Mfutila yasabye ko abayobozi n’abafana bamuba hafi kugira ngo nawe abashe kuzuza neza inshingano ze.

Uyu mutoza akiri muri APR FC muri 2007 yatwaye igikombe cya CECAFA Kagame Cup, ari mu batoza bifujwe kuva cyera na Rayon Sports ariko ntibabashe kumvikana.

mfutila1

Yaje mu ikipe ya APR FC avuye muri AS Sodigraf na Lupopo. Ahavuye yerekeje muri AS Vita, atoza CS Don Bosco, ajya muri Mazembe nk’umutoza wungirije, umwungiriza wa Lamine Ndiaye, ayivamo ajya muri Don Bosco, yaje kuvamo akerekeza muri AS Bantou yatozaga kuri ubu.

Mfutila afite impamyabumenyi y’ubutoza yo mu rwego rwa A yakuye i Clairefontaine mu Bufaransa yamenyekanye mu makipe nka Tout puissant Mazembe, Saint Eloi Lupopo, APR FC, AS Vita club ndetse n’ikipe ya Repubulika Iharanira Demokarasi ya Congo yaknnye igikombe cy’Afurika mu 2004.

Uyu mutoza yaje mu ikipe ya APR FC avuye muri AS Sodigraf na Lupopo. Ahavuye yerekeje muri AS Vita, atoza CS Don Bosco, ajya muri TP Mazembe nk’umutoza wungirije Lamine Ndiaye, ayivamo ajya muri Don Bosco, yaje kuvamo akerekeza muri AS Bantou yatozaga kuri ubu, n’izindi.Yabaye kandi umutoza wungirije mu ikipe y’igihuguya Congo  Les Leopards igihe gito.

Andy Mfutila aratangira akazi akaoresha imyitozo yo kuri uyu wa mbere 15h30.

Tanga igitekerezo na Facebook

Tanga igitekerezo