Umutoza Ali Bizimungu yatandukanye na Kiyovu Sports

Uwari umutoza w’ikipe ya Kiyovu Sports, Ali Bizimungu yamaze gusezererwa n’iyo kipe yari yarasinye mo amasezerano y’umwaka nyuma yo kudatanga umusaruro uhagije muri iyi Shampiona aho Kiyovu yayirangije ku mwanya wa 9 n’amanota 32

Kuri uyu wa kane mu masaha y’igicamunsi nibwo hatangiye kumvikana amakuru avuga ko uwari umutoza wa Kiyovu Sports,Ali Bizmungu yaba yasezerewe n’iyo kipe n’ubwo byakomeje kugenda binavugwa mbere y’uko Shampiona isozwa aho bamwe mu bafana ba Kiyovu Sports bagaragazaga ko batishimiye umusaruro w’uyu mutoza mu ikipe ya Kiyovu Sports.

Mu kiganiro yagiranye na Kigali Today dukesha iyi nkuru , Ali Bizimungu yatangaje ko yamaze gutandukana n’iyi kipe gusa ariko avuga ko bataricarana ngo babiganire cyane iyo kipe hari ibyo imugomba nyuma y’aho mu masezerano ye hari hasigaye gutoza iyi kipe mu gikombe cy’amahoro.

alibizimungu

Ali Bizimungu yagize ati “Nibyo sinkiri umutoza wa Kiyovu Sports, ubu turi muri procedure zo gutandukana, gusa ariko ntituricarana ngo tubiganireho kuko hari ibyo bangomba kuko nanjye nari nabagejejeho ibyifuzo byanjye”

Ubwo yasinyaga amasezerano y’umwaka umwe mu ikipe ya Kiyovu Sports yari yatangaje ko azanye gahunda yo kubaka ikipe y’igihe kirekire kandi ngo izagarurira abakunzi b’iyo kipe ibyishimo kuko n’ubuyobozi bwari bwemeye kumushyigikira.

Uyu mutoza Ali Bizimungu avuye muri Kiyovu Sports nyuma yo gutandukana n’amakipe atandukanye ya hano mu Rwanda arimo Muhanga Fc, Rayon Sports ndetse n’izindi.

 

Tanga igitekerezo na Facebook

Tanga igitekerezo