Umusore w’imyaka 29 niwe mutoza mushya w’Amavubi

Umusore w’imyaka 29 ukomoka mu gihugu cya Irlande du Nord Jonathan McKinstry niwe mutoza mukuru w’ikipe y’igihugu y’umupira w’amaguru Amavubi.

Ibyo byemejwe n’Umunyamabanga Mukuru w’Ishyirahamwe ry’umupira w’amaguru mu Rwanda (FERWAFA), Mulindahabi Olivier wavuze ko Johnny McKinstry wo muri Irland ariwe wemejwe nk’umutoza w’Amavubi. Mulindahabi avuga ko uwo mutoza agomba guhera ku mukino wa gishuti Amavubi afitanye na Zambia tariki ya 29 Werurwe 2015.

Uyu mutoza ukomoka muri Irlande du Nord  yakoze mu bihugu bitandukanye nka Sierra Leone ari nayo yaherukaga gutoza.Ni nyuma y’uko FERWAFA yatoranyije abatoza 4 bagomba kuvamo umwe uzatoza Amavubi.

jonathan1

FERWAFA yabanje kugirana ibiganiro n’umutoza Manuel Ferreira de Morais wo muri Portugal, ariko akaba yari amaze guhabwa amasezerano na THaïland.

Jonathan yari umwe mu batoza bane bari batoranyijwe n’akanama kari gashinzwe gutoranya abatoza kari kagizwe na Gaspard Kayijuka, Lee Johnson,Yves Rwasamanzi, Jean Butoyi, Bagirishya Jean de Dieu bita Jado Castar, Rudasingwa Longin na Albert Kayiranga ari na ko katanze abo batoza. Abashakaga gutoza ikipe y’igihugu Amavubi bari 42 aribo bifuje kuyitoza.

Uzaba umutoza w’Amavubi yari arakenewe mu rwego rwo gusimbura Stephen Constantine uherutse gusezera kuri uyu mwanya muri Mutarama.McKinstry agiye gutoza Amavubi ari ku mwanya wa 62 ku Isi ku rutond ngaruka kwezi rw’Ishyirahamwe ry’umupira w’amaguru ku Isi (FIFA).

Tanga igitekerezo na Facebook

Tanga igitekerezo