Umunya Angola Carvalho niwe uzayobora umukino wa Yanga na Rayon

Yanditswe na Rwanda Football ku wa 14.05.2018 saa 21:12 |

Mu masaha macye ari imbere Rayon Sports iraba ikina umukino wa kabiri wo mu itsinda ‘D’ rya 1/8 cya CAF Confederation Cup aho zasura Yanga Africans yo muri Tanzania mu mukino uzabera i Dar es Salaam ukayoborwa n’umusifuzi w’umunya-Angola Hélder Martins de Carvalho uzafatanya n’abanya-Kenya.

Uyu mukino uzayihuza n’ikipe imwe mu zikunzwe kurusha izindi mu karere ka Afurika y’Uburasirazuba ‘Yanga Africans’ bita ‘Mabingwa watoto wa Jangwani’ kuwa gatatu tariki 16 Gicurasi 2018 kuri stade ‘Uwanja wa taifa’.

Hélder Martins de Carvalho ukomoka muri Angola niwe uzayobora umukino wa Rayon na Yanga

Ubuyobozi bushinzwe abasifuzi mu mpuzamashyirahamwe y’umupira w’amaguru muri Afurika ‘CAF’ bwatangaje urutonde rw’abasifuzi bazayobora uyu mukino wa kabiri wo mu itsinda ‘D’ rya 1/8 cy’aya marushanwa.

Hagati mu kibuga, umukino uzayoborwa n’umunya-Angola Hélder Martins de Carvalho. Azafatanya na Ivanildo Meireles De O Sanche Lopes na Wilson Valdmiro Ntyamba ku mpande naho Joao Amado Muanda Goma azaba ari umusifuzi wa kane. Komiseri w’umukino ni umunya-Ethiopia Abebe Solomon Gibresilassie.

Tanga igitekerezo na Facebook

Tanga igitekerezo

Powered by Live Score & Live Score App