Umukino wa South Africa n’u Rwanda wahinduriwe amataliki

Yanditswe na Rwanda Football ku wa 12.03.2015 saa 16:59 | Yasuwe : 578

Ishyirahamwe ry’umupira w’amaguru muri Afurika y’epfo (Safa) ryigije imbere umukino wa gicuti wa U23 wagombaga guhuza ikipe Afurika y’epfo n’iyu Rwanda.

Uyu mukino wari uteganyijwe gukinwa tariki 25 Werurwe 2015 ukabera I Johannersburg nkuko Ferwafa yari yabisabye ariko nyuma yo kuba u Rwanda rwasabye baramaze kwemeza imikino bazakina ya gicuti, niyo mpamvu uyu mukino bemeje ko wakinwa tariki ya 25/07/2015.

Ubu FERWAFA na SAFA bari mubiganiro kureba nibo uyu mukino wakinwa tariki 25 Werurwe 2015.

amavubis15

Mu rwego rwo kwitegura imikino ya Olempike iteganyijwe gutangira mu kwezi kwa kane, bamwe mu bakinnyi bakina muri uru rwego, bazitabazwa mu kipe nkuru y’igihugu izakina umukino wa gicuti n’igihugu cya Zambia tariki ya 29 Werurwe 2015 i Lusaka.

Amavubi izakina uyu mukino mu rwego rwo kwitegura amarushanwa ya CHAN azabera mu Rwanda mu mwaka wa 2016.

Iyi mikino iri mu rwego rwo gutegura CHAN, kwitegura amajonjora y’igikombe cy’afurika ateganyijwe gutangira mu kwezi kwa karindwi ndeste n’amajonjora y’igikombe cy’isi cya 2018 agomba gutangira mu kwezi kwa cumi mbere y’uko u Rwanda rwakira irushanwa rya CHAN umwaka utaha.

Igihugu cya Zambia kizakina n’u Rwanda kiri ku mwanya wa 60 ku rutonde ngarukakwezi rwa Fifa mu gihe u Rwanda ruri ku mwanya wa 72 ku isi.

Tanga igitekerezo na Facebook

Tanga igitekerezo