Umukino wa Rayon Sports na Sunrise wimuwe

Umukino wa shampiyona wagombaga guhuza ikipe ya Sunrise FC na Rayon Sports kuri uyu wa gatandatu wimuriwe ku cyumweru tariki ya 30 Ugushyingo 2014 .
Ni nyuma y’uko ikibuga Sunrise FC yagombaga kwakiriraho Rayon Sports kitazaboneka kuri uyu wa gatandatu tariki ya 29 Ugushyingo 2014, bitewe n’uko ikibuga basanzwe bakoresha ari icy’Umuryango Nyafurika w’ivugabutumwa.
Habanabakize Fabrice, umuyobozi w’ikipe ya Sunrise FC yatangaje ko ikibuga bakoresha atari icyabo. Fabrice avuga ko bari basabye Ishyirahamwe ry’umupira w’amaguru mu Rwanda (Ferwafa ) ko uwo mukino  wakwimurwa.Ati “twari twarabisabye babitwemereye ko umukino wakimurwa ugakinwa ku cyumweru”.Uyu muyobozi avuga ko n’ubusanzwe icyo kibuga baba bagitiye ku buryo iyo hari ibiribuberemo.
rayonkiyovu1415d
Ku ibaruwa Ferwafa yandikiye amakipe yombi (Rayon Sports na Sunrise FC) yemeye ko uwo mukino wakwimurwa bitewe n’uko kuri uwo munsi wari kuzaberaho hari indi mirimo izahabera. Ni ibaruwa isinyweho n’umunyamabanga Mulindahabi Olivier.
Ubusanzwe ikipe ya Sunrise FC ikoresha ibibuga bibiri harimo ikibuga cy’umuryango Nyafurika w’ivugabutumwa ndetse n’icya Police.Kuri uyu wa gatandatu tariki ya 29 Ugushyingo 2014 muri uwo muryango hazaba hari abana barimo bakiniramo imikino, byatumye uwo mukino wimurwa.
Sunrise iritegura kwakira uwo mukino iri ku mwanya wa 8 n’amanota 10 muri shampiyona.Rayon Sports iri ku mwanya wa 2  n’amanota 17 muri shampiyona.
Tanga igitekerezo na Facebook

Tanga igitekerezo