Umukino wa nyuma muri shampiyona y’icyiciro cya kabiri

Yanditswe na Admin ku wa 20.06.2015 saa 23:17 | Yasuwe : 1,382
Ikipe ya Pepinière yatsinze igitego 1-0 Sec Academy mu mukino wa nyuma muri shampiyona y’icyiciro cya kabiri ya 2015 wabereye ku kibuga cya Ferwafa i Remera.Igitego cy’ikipe ya Pepinière cyatsinzwe na Rongorongo Prince ku munota wa 28 w’igicye cya mbere. Uyu mukino wabonetsemo ikarita itukura yahawe Nduwayo Ramazani wakiniye nabi mugenzi we Ngabo ukinira Sec.

Hategekimana Emmanuel umutoza wungirije mu ikipe ya Pepinière avuga ko kuba batsinze uyu mukino wa nyuma wa shampiyona y’icyiciro cya kabiri bibashimishije nubwo intego bari bihaye batazigezeho.

umukino-wa-nyumad2Yagize ati: “dutangira iyi shampiyona twifuzaga ko byibura twaza mu mukipe ane ya mbere ariko ntibyakunze kuko ubu turi ku mwanya wa gatanu tukaba tunganya amanota na Nyagatare ariko iturusha ibitego izigamye”.

Kabayija Marcel umutoza wa SEC Academy avuga ko uyu mwaka utabagendekeye neza kuko imikino batsinzwe iruta iyo batsinze .Avuga ko uyu mwaka abakinnyi bakinagamo bari bamaze kwigendera haza kubaho gushaka abandi bahita batangira kwigishwa ubu niyo gahunda barimo.

Ikipe ya Pepinière irangije shampiyona y’igihugu y’icyiciro cya kabiri mu mupira w’amaguru iri ku mwanya wa gatanu n’amanota 40,Sec iri ku mwanya wa 12 ari nawo wa nyuma n’amanota 19 muri shampiyona y’icyiciro cya kabiri.

Indi mikino uko yagenze :

Isinda A, Umunsi wa 26
Tariki 20/06/2015

Pepiniere 1-0 SEC
La Jeunesse 3-0 Vision JN
Gasabo Utd 2-0 Giticyinyoni
Etoile de l’est 1-1 Nyagatare
Aspor 2-0 Hope

Tariki 21/05/2015
United Stars 3-0 Vision Fc

Tanga igitekerezo na Facebook

Tanga igitekerezo