Uko umunsi wa mbere w’imyitozo y’Amavubi wagenze mu mafoto

Yanditswe na Rwanda Football ku wa 04.05.2017 saa 20:20 | Yasuwe : 225

Mu gitondo cyo kuri uyu wa Kane tariki ya 4 Gicurasi 2017 nibwo umutoza w’ikipe y’igihugu Amavubi Antoine Hey  n’abamwungirije bakoresheje imyitozo ya mbere hasuzumwa uko abakinnyi bahagaze mu bijyanye n’ingufu (Conditions Physique).

Iyi imyitozo yagoye bamwe mu bakinnyi yari igabanyijemo ibice bine (4), bakoze mu matsinda y’abakinnyi batagombaga kurenga 12 kuko ikipe yari irimo abakinnyi bacye yabaga igizwe n’abakinnyi 11. Itsinda ryakoraga ryagera ku gace ka nyuma, abandi nabo bagatangira agace ka mbere.

Dore ibice bine (4) byari bigize iyi myitozo:

1.Kwishyushya

Uko itsinda ryageraga muri sitade Amahoro, batangiraga bishyushya bayobowe na Mashami Vincent umutoza wungirije. Yabashyushyaga mu gihe kitari munsi y’iminota icumi (10’) kuko yabarekuraga ubona ko babize ibyuya ku rwego rugaragara.

2.Kugeragezwa umuvuduko mu kwiruka (Sprint)

Nyuma yo kurangiza kwishyushya, abakinnyi bafataga akanya bakaruhuka bakananywa amazi. Nyuma yo kuruhukaho gato bahitaga binjira mu gice cyo kwiruka bakareba abafite umuvuduko uri hejuru bityo bikazafasha umutoza kumenya icyo buri mukinnyi asabwa kugira ngo azatange umusaruro.

Abakinnyi bacaga muri iki kizamini inshuro eshatu hakarebwa impuzandengo y’umuvuduko (Speed-rate) yagize kugira ngo barebe koko niba ibipimo yagize bihagije.

3.Kuruhuka no gukora umwitozo wo kuruhuka (Relax)

Nyuma yo kuva mu gace ko kwiruka ku muvuduko, abakinnyi bahitaga basanga Mashami Vincent akabakoresha imyitozo yo kongera kugaruka mu mwuka mwiza abagabanyiriza umunaniro mbere yuko binjira mu gace ka nyuma.

4.Kwiruka ku muvuduko muto mu gihe kirekire (Endurance)

Ni icyiciro cy’imyitozo cyagoye abakinnyi ku buryo umuntu warebaga iyi myitozo yahise abona ko ari ubwa mbere abakinnyi babikoze.Abakinnyi bakoraga umurongo bakajya biruka bava ku murongo umwe bajya ku wundi, ibintu bakoraga mu minota 15’. Aha, bakurikiraga amajwi ari mu ndangururamajwi aho aya majwi yabibutsaga inshuro bamaze gukora n’ibyo bagomba gukora.

Muri iki cyiciro niho abakinnyi birukaga ukabona umwuka urashize bamwe bakitura hasi abandi bavamo batarangije cyangwa ukabona umukinnyi biranze yiyicariye hasi.

Abakinnyi bahamagawe batangiye umwiherero kuri uyu wa Gatatu, tariki 3 Gicurasi, ari nabwo abazamu barimo Ndayishimiye Eric wa Rayon Sports, Nzarora Marcel wa Police FC na Kwizera Olivier wa Bugesera FC bakoze ikizami cyabo.
 
Kuri uyu wa Kane kuva saa mbili n’igice za mu gitondo kugera saa sita n’igice, kuri Stade Amahoro, nibwo abakinnyi basigaye bakoze iki kizamini mu byiciro bitandatu. Abakinnyi babanzaga gukoreshwa imyitozo ngororamubiri n’umutoza wungirije, Mashami Vincent, mbere yo kujya gukoreshwa n’umukuru, Antoine Hey, mu kwiruka ahantu hareshya na metero 25 zari hagati y’ibyuma byari byateguwe.

 
 

Abavaga muri iki kizamini cya mbere berekezaga ahandi hantu ha metero 50 umuntu yirukaga akurikije amabwiriza yateguwe mbere yatangwaga hakoreshejwe indangururamajwi. Mu bakinnyi birutse metero 50 inshuro nyinshi ni Manzi Thierry wa Rayon Sports na Iradukunda Eric wa AS Kigali, bahirukanse inshuro 140 akaba ari nabo bayoboye iryo itsinda rya mbere. Mu itsinda rya kabiri Savio Nshuti Dominique wa Rayon Sports niwe wakoze igihe kirekire inshuro 150 ari nawe wakoze inshuro nyinshi mu bakoze ikizamini bose.

Abandi bakoze igihe kirekire barimo Niyonzima Olivier Sefu nawe wa Rayon Sports wayoboye itsinda rya gatatu, Nsabimana Aimable wa APR FC wayoboye irya Kane, Emmanuel Imanishimwe wa APR FC wayoboye irya gatanu na Manishimwe Djabel wa Rayon Sports wayoboye irya Gatandatu.Abakinnyi bananiwe hakiri kare muri aka gace ka nyuma harimo: Habimana Yussuf wa Mukura Victory Sport ndetse na Munezero Fiston wa Rayon Sports

Nyuma y’ikizamini, umutoza Antoine Hey, yatangaje ko yasanze hari abakinnyi bahagaze neza, bafite imbaraga ariko hari n’abandi bari hasi cyane ku buryo agiye kwandikira amakipe yabo ayasaba kongera imyitozo y’imbaraga

 
 

Umusaruro wavuye muri iri gerageza washimishije Antoine Hey nubwo abona hakiri akazi gakomeye ku makipe amwe n’amwe mu Rwanda. Yabwiye abanyamakuru ati: “Nateguye iyi myitozo ngamije kugenzura ubushobozi bw’imibiri y’abakinnyi banjye kuko kuri technique bahagaze neza mu kibuga. Nshimishijwe n’uko bamwe muribo bitwaye ariko hari abakinnyi bakiri hasi. Birasaba amakipe yabo kongera imbaraga muri myitozo bakora. Ibyavuye muri iri geragezwa nibisohoka tuzandikira amakipe tuyasaba kugira ibyo ahindura bitewe n’ibyo abakinnyi babo bazaba bakeneye.”

Nyuma y’iri geragezwa abakinnyi barasubira mu makipe yabo bakomeze imikino ya shampiyona, abatsinze bazakomeze guhamagarwa bagabwe imyitozo rimwe na rimwe kuzagera tariki 29 Gicurasi 2017 Ubwo hazahamagarwa abakinnyi 23 barimo n’ababigize umwuga bazitegura Central Africa umukino wo gushaka itike y’igikombe cya Afurika muri 2019 uzabera i Bangui tariki 13 Kamena 2017.
Mu bakinnyi bari bahamagawe n’umutoza w’Amavubi batabashije kwitabira iyi myitozo, ni Muhire Kevin wa Rayon Sports ufite ikibazo cy’imvune na Murengezi Rodrigue wa AS Kigali.

Abakinnyi babashije gukora igihe kinini kurusha abandi barimo: Savio Nshuti Dominique na Niyonzima Olivier Sefu ba Rayon Sports ndetse na Nsabimana Aimable wa APR FC.

Andi mafoto yaranze iyi myitozo :

Rusheshangoga Michel (APR FC )
Niyonzima Ally (Mukura VS)
Kwishyushya
Mbere y’imyitozo
Kwishyushya
Usengimana Danny (Police FC )yishyushya
Bizimana Djuhad (APR FC ) yishyushya
Sibomana Patrick (APR FC ) yishyushya
Mashami Vincent akoresha imyitozo
Relax
Munezero Fiston (Rayon Sports)
Nsabimana Aimable (APR FC)
Muvandimwe JMV (Police FC)
Mubumbyi Barnabé (As Kigali)
Niyonkuru Ramadhan (Musanze FC )
Amabwiriza y’igeragezwa bayahabwaga binyuze mu ndangururamajwi
Mpozembizi Mohammed (Police FC )
Antoine Hey yashimishijwe n’urwego abakinnyi bo mu Rwanda bariho nubwo hari abakiri inyuma
Rusheshangoga Michel (APR FC ) yiruka
Mbogo Ali niwe mukinnyi rukumbi wa Espoir FC wahamagawe
Kapiteni wa Bugesera FC Nzabanita David yakoze imyitozo ya mbere mu ikipe y’igihugu
Bishira Latif wa AS Kigali imbere akurikiwe na Hakizimana Francois wa FC Musanze
Nshimiyimana Imran (APR FC )
Yari imyitozo ikarishye
Kwishyushya
Ubwo bari barangije
Mugisha Gilbert wa Pepinieres FC nawe yari mu igeragezwa
Mukunzi Yannick (APR FC )
Umutoza Antoine Hey
Jimmy Mulisa umutoza mukuru wa APR FC
Nsabimana Aimable (APR FC )
Rusheshangoga Michel (APR FC )
Eric Nshimiyimana utoza AS Kigali
Sibomana Patrick (APR FC )
Mashami Vincent umutoza wungirije w’Amavubi
Habimana Yussuf wa Mukura VS umwe mu bakinnyi babiri b’iyi kipe bahamagawe
Savio Nshuti Dominique (Rayon Sports)
Eric Ngendahimana wa Police FC imbere ya Muhadjili Hakizimana wa APR FC
Usengimana Faustin (APR FC)
Niyonzima Ally kapiteni wa Mukura VS

               

Tanga igitekerezo na Facebook

Tanga igitekerezo