Uko umunsi wa 23 muri Shampiyona y’u Rwanda usize amakipe ahagaze-Amafoto

Yanditswe na Rwanda Football ku wa 16.04.2017 saa 12:43 | Yasuwe : 169

Shampiona y’icyiciro cya mbere mu mupira w’amaguru yari yakomeje kuri uyu wa Gatandatu ku munsi wayo wa 23  aho APR Fc na Police zisa nk’izihanganiye umwanya wa kabiri zabonye amanota atatu, mu gihe As Kigali izirya isataburenge itabashije  kwikura i Musanze  aho yanganyirije i Musanze.

Uko imikino yagenze

Police Fc yanyagiye Pepiniere, ubusatirizi bwa Danny na Mico bukomeza kuba ubukombe

Uyu mukino wabereye Kuri Stade ya Kicukiro wagaragayemo gutungurana aho ibitego 2 byinjiye mu gice cya mbere, ibindi bibiri bijyamo mu gice cya kabiri

Usengimana Danny uhagaze neza yatsindiye Police

Mico Justin yatsinze icya mbere ku munota wa 6 naho Usengimana Danny atsindira Police icya 2 ku munota wa 39, icya 3 cyatsinzwe na Biramahire Christophe ku munota wa 49, mu gihe icya kane cyatsinzwe na Songa Isaie ku munota 80 w’umukino.

Mico Justin wongeye kwigaragaza nawe yatsinze

Pepiniere yo yaje Kubona igitego cy’impozamarira aho Mugisha Gilbert yagitsinze ku munota wa 90 w’umukino, bituma iyi kipe yo ku Ruyenzi iguma gutakaza icyizere cyo kuguma mu cyiciro cya mbere kuko ubu ikiri ku mwanya wa nyuma.

Police FC: Nzarora Marcel 18 (GK,C), Mpozembizi Mohammed 21, Muvandimwe Jean Marie Vianney 12, Umwungeri Patrick 5, Habimana Hussein 2, Nizeyimana Mirafa 4, Eric Ngendahimana 24, Imurora Japhet 19, Usengimana Danny 10, Mico Justin 8 na Biramahire Abdey 27.

Pepinieres FC: Nsabimana Jean De Dieu Shawulini 1 (GK), Mitima Isaac 16, Kagaba Obed 3, Hakizimana Abdoulkalim 15, Hitimana Omar12 ©, Nahimana Abdoul, Mugisha Gilbert 11, Habamahoro Vincent 17, Nduwimana Michael, Lubega Joseph 13 na Ishimwe Kevin 10.

Muhadjili wari umaze iminsi yaravunitse yacunguye APR i Nyagatare

Ikipe ya APR Fc itaritwaye neza mu mikino yo kwishyura, yaje gukura amanota atatu mu karere ka Nyagatare, aho yayitsinze igitego kimwe ku busa cyatsinzwe na Hakizimana Muhadjili, bituma APR Fc igumana umwanya wa kabiri n’amanota 47, aho irushwa na rayon Sports ya mbere amanota 8.

Ikipe ya APR Fc yabanjemo i Nyagatare
Sunrise yatsindiwe ku kibuga cyayo
Muhadjili niwe watsindiye APR FC
Sunrise yagerage kwihagararaho biranga
Abasore b’APR bari bakaniye uyu mukino

I Musanze, Katawuti na Sosthene bahagamye Eric Nshimiyimana

Ikipe ya Musanze imaze iminsi yitwara neza by’umwihariko ku kibuga cyayo, yaje kunganya na AS Kigali igitego 1-1, aho icya As Kigali cyatsinzwe na Mubumbyi Barnabe wari wanahushije Penaliti naho icya Musanze cyaje kwishyurwa na Wai Yeka

As Kigali yagiye kunganyiriza na Musanze kuy kibuga cyayo

Igitego cyafashije AS Kigali kubona inota rimwe, Mubumbyi Barnabe yagitsinze ahagana ku munota wa 30 ku ishoti riremereye yatsindiye muri metero 30. Icya Musanze FC cyatsinzwe na Wai Yeka, bituma Musanze FC imara imikino 11 idatsindwa.

Mubumbyi amaze gutsinda ibitegobitanu mu mukino ibiri

Mubumbyi Barnabe amaze kugira ibitego 6, harimo 5 amaze gutsinda mu mikino 2. Kugeza ubu ku rutonde rw’agateganyo Rayon Sports niyo iruyoboye n’amanota 55, APR FC ifite amanita 47 , Police FC ifite amanita 46 naho AS Kigali ikaba iya 4 n’amanota 44.

I Nyamagabe, Bugesera yahasanze Amagaju iyahatsindira 1-0

Nyuma yo gutsindwa na Rayon Sports 4-1 i Kigali, Amagaju ntiyahiriwe na Bugesera yayitsinze igitego 1-0 i Nyamagabe, igitego cyatsinzwe na ’ Mugenzi Bienvenue ku munota wa 50 w’umukino, mu gihe AMagaju yabonye amahirwe yo kwishyura ariko Hassan pappy ahusha Penaliti iyi kipe yari ibonye.

Mbere y’umukino
Uyu mukino ntiwari woroshye
Abana nibo bari biganje mu bafana
Kwizera Olivier wa Bugesera yari ahagaze neza
Bugesera yabanjemo
Amagaju yabanjemo

Uko imikino yo ku wa gatandatu  yarangiye

APR 1-0 Sunrise
Espoir 1-0 Kirehe
Musanze 1-1 AS Kigali
Amagaju 0-1 Bugesera
Police 4-1 Pepiniere

Indi mikino y’umunsi wa 23 iteganyijwe kuri iki Cyumweru

SC Kiyovu na Etincelles Fc (Mumena, 15.30)
Mukura VS vs Marines Fc (Huye, 15:30)
Gicumbi Fc vs Rayon Sports (warasubitswe

Tanga igitekerezo na Facebook

Tanga igitekerezo