Uganda Kobs U 23 yatsinze Rwanda Amavubi 2-0

Yanditswe na Admin ku wa 30.05.2015 saa 17:16 | Yasuwe : 1,271

Mu mukino wahuje ikipe y’u Rwanda Amavubi atarengeje imyaka 23 na bagenzi babo Uganda Kobs  urangiye Uganda Kobs itsinze Amavubi ibitego bibiri ku busa  kuri stade  ya Nakivubo.

Igice cya mbere cyarangiye amakipe yombi anganya ubusa ku busa. Mu gice cya kabiri  Uganda yatsinze u Rwanda ibitego bibiri ku busa. Mu mukino wabanje wabereye i Kigali warangiye Uganda Kobs itsinze u Rwanda bibiri kuri kimwe.

Uyu mukino waranzwe n’ishyaka Amavubi yari afite akina n’ikipe na Uganda nubwo bwose Uganda yageze imbere y’izamu ry’u Rwanda kenshi kurusha amavubi U23.

Amavubi yabonye koroneri nyinshi ariko zose ntihagira iyinjira. Myugariro  Emery Bayisenge yatabaye izamu kuko umukinnyi wa Uganda yarengeje umupira umuzamu w’u Rwanda Nzarora Marcel ariko Emeryakawugarura.

Savio Dominique w’Amavubi yahushije igitego n’umutwe. Twibuke ko uyu musore ariwe watsinze igitego rukumbi u Rwanda rwatsinze Uganda ubwo yari i Kigali.

u23ugandarda

Uyu mukino wasifuwe n’umugabo ukomoka muri Sudani.  Andrew Butera niwe watangiye ari Kapiteni w’Amavubi ariko nyuma aza gusimbuzwa Emery Bayisenge.Abanyamakuru ba RBA bari i Kampala bavuga ko ikipe ya Uganda yakinaga isatira ariko ikanugarira kugira ngo hatagira igitego cyinjira.

Mu gice cya kabiri Abagande batangiye bafite ingufu ariko Abanyarwanda nabo bihagararaho.Igitego cya mbere cya Uganda kinjiye nyuma y’iminota mike y’igice cya kabiri. Nyuma y’iminota ibiri hahise hajyamo ikindi gitego cyatsinzwe na Farouk.Yannick Butera yatakaje imipira ari nayo yatumye Uganda ibaca murihumye ikabatsinda.

Ikipe y’ u Rwanda yagerageje kugombora ariko biranga ahari kubera gucika intege nyuma yo gutsindwa ibitego bibiri ku busa.Nyuma y’indi micye Uganda yari ibonye ikindi gitego cyakubise ku giti cy’izamu. Kevin Muhire yahawe ikarita y’umuhondo kubera gukinira nabi mugenzi we wa Uganda.

Amavubi yashatse kotsa igitutu Uganda Kobs  ariko ntacyo byatanze  kuko no mu minota itatu y’inyongera ntacyahindutse. Ikipe Uganda Kobs izakina na Misiri.Ikipe y’Amavubi izagera i Kigali ejo ku Cyumweru.

Tanga igitekerezo na Facebook

Tanga igitekerezo