U Rwanda rwatsinze Gabon

Ikipe y’igihugu Amavubi yatsinze Gabon igitego 1-0 mu mukino wa gicuti wabereye kuri Stade régional ya Kigali i Nyamirambo 

Ni mu rwego rwo kwitegura gukina na Congo Brazzaville mu majonjora y’igikombe cy’Afurika cy’umwaka utaha tariki ya 20 Nyakanga, Amavubi akaba azahaguruka i Kigali kuwa Gatatu berekeza i Pointe Noire.

Nubwo amakipe yombi yageragezaga kwihagararaho , umukino igice kinini wasaga nkukinirwa hagati mu kibuga ku buryo nta buryo bwinshi bwo gutsinda bwagaragaye.

Mu gice cya mbere Amavubi yarushije Gabon ku buryo igitego kimwe rukumbi cyabonetse muri uwo mukino cyaturutse kuri kapiteni Haruna Niyonzima nyuma yo gucenga ba myugariro ba Gabon, yahaye  umupira mwiza  Tuyisenge Jacques ku munota wa 22 ahita atsinda n’umutwe.

Mberegato yo kujya kuruhuka, Bayisenge Emery yateye umupira mwiza ukurwamo na Nguena Claude n’umunyezamu wa Gabon .

jacques1

Jacques Tuyisenge watsinze igitego rukumbi cy’Amavubi

Mu gice cya kabiri Gabon yisubiyeho yongeramo abandi bakinnyi ariko  inasatira izamu ry’u Rwanda ryari ryagiyemo Ndayishimiye Jean Luc wasimbuye Ndoli  Jean Claude ariko biranga iminota 90 y’umukino irangira bananiwe kwishyura

Kuri uyu mukino wa kabiri umutoza mushya Stephen Constantine akinnye yose ayitsinda ntiyari yakinisije Rutahizamu Daddy Birori wafashije u Rwanda gusezerera Libye kuko yagize i Kigali atinze ntiyabona umwanya wo gukorana imyitozo na bagenzi be. Yabanjemo arikoSina Jerome gushaka ibitego kimwe na Ndatimana Robert wakinanaga hagati na Mugiraneza Jean Baptiste ”, batari bahahamagawe ku mukino wa Libya.

Mu gice cya kabiri, yakoze impinduka maze Ndatimana Robert aha umwanya Mushimiyimana Mohamed, Sibomana Abuba asimburwa na Mwemere Ngirinshuti,

Gabon yakinishije abakinnyi bakina imbere mu gihugu gusa kuko batashoboraga kubona abakina hanze atari itariki yemewe n’Ishyirahamwe mpuzamahanga (FIFA) ndetse wari umwanya wo kwereka abakinnyi umutoza mushya, Jorge Costa wari wicaye muri stade.

Mu gihe Constantine azajyana abakinnyi 20 muri Congo, avuga ko kuba yakoze impinduka z’abakinnyi 5 mu gice cya kabiri byagabanyije umuvuduko Amavubi yakiniragaho, yishimira uko igice cya mbere cyakinwe.

Umutoza w’ikipe y’igihugu ya Gabon yaje gukina uyu mukino wa gicuti yitegura kujya guhatana n’ikipe y’igihugu cya Repubulika Iharanira Demokarasi ya Congo (DRC), Mbourounot J.Claude yavuze ko mu gice cya mbere abakinnyi be bakoze amakosa cyane cyane ab’inyuma no hagati.

Ni umukino wa gicuti wo kumenyereza abakinnyi mbere y’uko u Rwanda rukina umukino ubanza na Congo Brazzaville wo gushaka itike y’igikombe cy’Afurika kizabera muri Maroc mu 2015  tariki ya 20 Nyakanga 2014 .

Abakinnyi babanjemo

amavgabon14

Rwanda

Ndoli Jean Claude (Ndayishimiye Jean Luc), Sibomana Abuba (Mwemere Ngirinshuti), Nshutiyamagara Ismael, Bayisenge Emery, Rusheshangoga Michel, Mugiraneza Jean Baptiste, Niyonzima Haruna, Tuyisenge Jacques (Kagabo Peter), Iranzi Jean Claude, Sina Jerome (Birori Dady), Ndatimana Robert (Mushimiyimana Muhamed wavunitse asimburwa na Ndahinduka Michel).

Gabon

amavgabon14a

Tanga igitekerezo na Facebook

Tanga igitekerezo