U Rwanda rwatsinze Congo rukomeza mu matsinda

U Rwanda rwaraye rwigaranzuye Congo Brazaville ruyitsinda 2-0  maze bakizwa na Penaliti u Rwanda ruhita rujya mu matsinda yo gushaka itike yo kujya mu gikombe cya Afurika kizabera muri Maroc umwaka utaha.

Uyu mukino wabereye kuri stade ya Kigali i Nyamirambo ntabwo abanyarwanda benshi bari bawitabiriye kuko bimvuga ikipe yabo iza gusezererwa.

Nubwo nta amahirwe abanyarwanda bahabwaga kuko bari baratsinzwe 2-0  ku mukino ubanza wabereye i Pointe Noire muri Congo ariko abakinnyi b’umutoza Stephen Constantine babashize kubyitwaramo neza bagombora ibyo bitego byatsinzwe byose mu gice cya kabiri na Kagere Meddiy na Ndahinduka Michel (Bugesera)maze amakipe yombi akizwa na Penaliti :Rwanda 4-3 Congo.

Uyu mukino watangiye ikipe ya Congo yarwanaga ku bitego byayo bibiri ikinira umupira mu gice cyayo cyane , mbese bigaragara ko yafunze.Ibi byatumye abasore b’u Rwanda basatira bikomeye bigaragara ko bafite ishyaka ryinshi maze igice cya mbere cy’umukino kirangira ari 0-0.

rwandacongob14c                                                                                                                                                                                          Photo Umuseke

Mu gice cya kabiri, Amavubi yaje yariye karungu maze arasatira ku buryo bugaragara maze ku  munota 56 Sina Jerome yacenze abakinnyi batatu ba Congo asunikira Kagere Meddy  naw ahereza neza Ndahinduka  Michel Bugesera wafunguye amazamu ya Congo Brazza.

Ntibyatinze ariko ku munota wa 63 umukinnyi Kagere Meddy yibye umugono ab’inyuma ba Congo akabavanamo igitego cya kabiri ubwo  myugariro wa Congo yaherezaga umupira umunyezamu we .

Ikipe ya Congo Brazaville yahise ishaka gusubira mu mukino umutoza Claude Leroy ashyiramo amaraso mashya maze bakomeza ubusatirizi kugeza naho ba rutahizamu bayo bagiye basigarana n’umunyezamu Bakame inshuro ebyiri zose ariko bikanga hari nubwo umupira wagaruwe n’umutambiko w’izamu.

Umukino warangiye u Rwanda rutsinze  2-0 maze nkuko CaAF ibitegeka amakipe yombi yagombaga gukizwa na penaliti.

Tubane James ,Jimmy Mbaraga ,Emery Bayisenge na Sibomana Patrick nibo binjije penaliti naho Kagere Meddy na Niyonzima Haruna barazihusha.Umunyezamu Bakame yavanyemo  penaliti ebyiri za  Congo Brazaville.

Nyuma yo gutsinda uyu mukino ,u Rwanda rwahise rujya mu itsinda A ruri kumwe na Nigeria, Afurika y’epfo na Sudani. Amakipe abiri muri buri tsinda ni yo azerekeza mu gikombe cya Afurika kizabera muri Maroc umwaka utaha wongeyeho n’amakipe ya gatatu azaba yitwaye neza mu matsinda yose.

Gahunda yose y’imikino y’u Rwanda

  • 05-06/09/14: Nigeria v Rwanda
  • 10/09/14: Rwanda v Sudan
  • 10-11/10/14: Rwanda v South Africa
  • 15/10/14: South Africa v Rwanda
  • 14-15/11/14: Rwanda v Nigeria
  • 19/11/14: Sudan v Rwanda

Amatsinda yo gushaka itike yo kujya mu gikombe cya Afurika

  • Group A: Nigeria, South Africa, Sudan, Rwanda
  • Group B: Mali, Algeria, Ethiopia, Malawi
  • Group C: Burkina Faso, Angola, Gabon, Lesotho
  • Group D: Ivory Coast, Cameroon, DR Congo, Sierra Leone
  • Group E: Ghana, Togo, Guinea, Uganda
  • Group F: Zambia, Cape Verde, Niger, Mozambique
  • Group G: Tunisia, Egypt, Senegal, Botswana

Amafoto : ( Crédits Photos : Umuseke)

[Best_Wordpress_Gallery gallery_type=”thumbnails” theme_id=”1″ gallery_id=”3″ sort_by=”order” order_by=”asc” show_search_box=”0″ search_box_width=”180″ image_column_number=”5″ images_per_page=”30″ image_title=”none” image_enable_page=”1″ thumb_width=”180″ thumb_height=”90″ thumb_click_action=”undefined” thumb_link_target=”undefined” popup_fullscreen=”0″ popup_autoplay=”0″ popup_width=”800″ popup_height=”500″ popup_effect=”fade” popup_interval=”5″ popup_enable_filmstrip=”1″ popup_filmstrip_height=”70″ popup_enable_ctrl_btn=”1″ popup_enable_fullscreen=”1″ popup_enable_info=”1″ popup_info_always_show=”0″ popup_enable_rate=”0″ popup_enable_comment=”1″ popup_hit_counter=”0″ popup_enable_facebook=”1″ popup_enable_twitter=”1″ popup_enable_google=”1″ popup_enable_pinterest=”0″ popup_enable_tumblr=”0″ watermark_type=”none” watermark_link=”http://web-dorado.com”]

 

Tanga igitekerezo na Facebook

Tanga igitekerezo