U Rwanda rwanganyije na Tanzaniya

Yanditswe na Rwanda Football ku wa 23.01.2015 saa 20:22 | Yasuwe : 1,086

Mu mukino mpuzamahanga wa gicuti wabereye kuri Sitade ya CCM Kirumba mu mujyi wa Mwanza muri Tanzania . Ikipe y’u Rwanda yihagazeho ihanganyiriza na Tanzaniya.

Umukino watangiye uyobowe n’Amavubi ku buryo  ku munota wa munani, Mugiraneza Jean Baptista yahise atsinda igitego cyiza ku mutwe ku mupira wari uvuye kuri korineri itewe neza  na Patrick Sibomana.

Amavubi yakomeje gusatira cyane ikipe ya Tanzania ariko abakinnyi nka Haruna Niyonzima, Issa Bigirimana na Betrand Iradukunda nibashobora kubyaza amahirwe make babonye.

Tanzania nayo yanyuzagamo igasatira ikipe y’u Rwanda ariko igasanga abinyuma barimo Emery Bayisenge na Ismail Nshutiyamagara bahagaze neza.

Umukinnyi Msuva Simon ukinana na Haruna Niyonzima muri Yanga yagoye cyane abinyuma b’Amavubi kuburyo byaje kubahesha igitego ku munota wa 44 nyuma yaho Emery Bayisenge asize Friday Kelvin wenyine murubuga rw’amahina maze aboneza umupira mwiza mw’izamu ryari ririnzwe na Olivier Kwizera.Amakipe yagiye mu kiruhuko  anganya igitego 1-1.

Amavtz14

Igice cya kabiri, c’ihariwe cyane na Tanzania yabonye amahirwe menshi yo gutsinda ibindi bitego ariko umunyezamu Kwizera Olivier wari uhagaze neza yakoze akazi gakomeye akuramo amashoti aremereye cyane ya ba rutahizamu  Msuva   na Ndemla Said inshuro ebyiri.

Mu rwego rwo kuzibira hagati, umutoza Lee Johnson yahise asimbuza Issa Bigirimana azana Buteera Andrew, Maxime Sekamana asimburwa na  Yanick Mukunzi naho  Bertrand Iradukunda asimburwa na Mico Justin.

Mu minota yanyuma, Amavubi yabonye amahirwe abiri yo gutsinda igitego cya kabiri ariko nibyashoboka. Ku mupira mwiza wari uvuye kwa Michel Rusheshangonga, Haruna yabuze uko akora gato ku mupira wanyuze imbere y’izamu hanyuma andi mahirwe naho umunyezamu wa Tanzania Manyika Peter yakuyemo amashoti abiri yaje akurikiranye avuye kwa Mugiraneza Jean Baptista hanyuma umupira awukuramo werekeza kwa Haruna warekuye irindi shoti ariko uyu munyezamu naryo ariboneza hanze.

Umutoza Lee Johnson yavuze ko, “Kuba tunganyije nabyo nibyiza kuko abasore bakinye neza. Iyo biza kutaba iki kibuga kibi, ndumva twari kuba twegukanye itsinzi.Tugomba gukomereza hano kuko turi munzira nziza itegura ikipe izakina amajonjora y’igikombe cya Olempike mu kwezi kwa kane,”


Tanga igitekerezo na Facebook

Tanga igitekerezo