U Rwanda rwanganyije n’ikipe ya kabiri ya Maroc mu wa gicuti

Yanditswe na Rwanda Football ku wa 15.11.2014 saa 07:30 | Yasuwe : 1,156

Mmu mukino wa gicuti wahuje ikipe y’igihugu Amavubi n’iya Maroc ku mugoroba wo kuri uyu wa 14 Ugushyingo 2014 i Fes   muri Maroc, ikipe y’u Rwanda yanganyije ubusa ku busa na Les Lions de l’Atlas ya Maroc.

Nubwo Amavubi yakinnye n’ikipe idasanzwe ya Maroc igizwe n’abakinnyi batajya bahamagarwa mu ikipe y’igihugu, dore ko Maroc ku wa gatatu yari yakinnye umukino wa gicuti na Benin iyinyagira 6-1  ndetse no kuri cyi cyumweru bakaba bari bukine na Zimbabwe undi mukino wa gicuti.

Muri iyi kipe yakinnye na Benin hari harimo abakinnyi umunani bose bakina hagati mu gihugu kandi Amavubi ahaguruka ino byari byatangajwe ko agiye gukina n’ikipe y’abakina mu gihugu itegurwa gukina CHAN 2016 mu Rwanda.

Ibi byatumye umukino w’u Rwanda uteshwa agaciro n’igihugu cya Maroc cyane ko wasangaga n’itangazamakuru mpuzamahanga uwo mukino ntawo bazi ahubwo bivugira iyo ibiri yari iteganyijwe cyane ko no ku rutonde rw’imikino ya gicuti yabaye uyu utagaragaraga ku rubuga rwa FIFA.

imyitozofes

Ikipe y’Amavubis mu myitozo ya mu gitondo yitegura umukino wa nimugoroba

Ikipe ya Maroc yakiniraga imbere y’abafaba bayo bacye cyane yakinishaga imbaraga nyinshi muri  uyu mukino, yagaragaje guhererekanya no kugumana umupira kurusha abakinnyi b’Amavubi. Igice cya mbere Maroc yabonye uburyo bucye bwo gutsinda ntibyashoboka, nubwo Amavubi nayo yanyuzagamo agasatira.

Mu gice cya kabiri, Maroc yashyizemo imbaraga cyane mu gushaka igitego, yiharira umupira inasatira kenshi ariko ba myugariro Emery Bayisenge, Nshurinamagara Ismael, Rusheshangoga Michel n’abandi babakinaga imbere nka Jean Baptiste Mugiraneza na Sibomana Patrick bakomeza guhagarara neza imbere y’umuzamu Jean Luc Ndayishimiye nawe utoroheye ba rutahizamu ba Maroc  kugeza umukino urangiye.

amavubisfes3

Ikipe y’Amavubis yabanjemo :

Abagahaze ;Tuyisenge Jacques, Mugiraneza Jean Batiste, Mico Justin,Ndayishimiye Jean Luc ,Iranzi Jean Claude, Sibomana Abuba.

Abunamye: Rusheshangoga Michel, Bayisenge Emery, Sibomana Patrick,Ndatimana Robert, Nshutinamagara Ismael 

Muri uyu mukino hagaragaye abakinnyi bakiri bato ku ruhande rw’u Rwanda kandi bashya harimo abakinnyi bari hagati y’imyaka 19 na 22 nka Rachid Kalisa, Kevin Muhire, Robert Ndatimana, Herve Rugwiro, Justin Mico, Bertrand Iradukunda, Dany Usengimana na Innocent Ndizeye.

amavubisfes4

Ikipe y’a Maroc yabanjemo

Umutoza w’Amavubi kandi yahinduranyije abakinnyi hafi ya bose mu kibuga nkuko byemewe mu mikino mpuzamahanga ya FIFA.

Umutoza Stephen Constantine avuga ko iyi kip ari gutegura ari ikipe yo guha umwanya ikitegura neza kandi ikabona imikino myinshi ya gicuti kugira ngo izagere muri CHAN ya 2016 izabera mu Rwanda ikipe yiteguye.

Tanga igitekerezo na Facebook

Tanga igitekerezo