U Rwanda rugeze ku mwanya wa 90 kw’isi

Ikipe y’igihugu y’umupira w’amaguru mu Rwanda Amavubi yazamutse imyanya itanu igera ku mwanya wa 90 ku rutonde ngarukakwezi rukorwa n’ishyirahamwe ry’umupira w’amaguru ku isi (FIFA).

Uru rutonde rwasohotse kuri uyu wa kane, U Rwanda rwavuye ku mwanya wa 95 kw’isi na 25 muri Afurika rugera ku mwanya wa 90 kw’isi na 24 muri Afurika.

Kuba U Rwanda rwazamutse imyanya itanu byatewe nuko yitwaye mu mukino mpuzamahanga wa gicuti wayihuje n’igihugu cya Morocco muri uku kwezi aho amakipe yombi yanganyije 0-0 mu mukino wabereye I Marrakech.

Ikipe y’igihugu yakomeje kuzamuka ku rutonde kuva mu kwezi kwa gatandatu ubwo yanganyaga na Libya 0-0 muri Tuniziya ikayitsindira i Kigali 3-0. Amavubi yavuye ku mwanya w’131 yariho mu kwezi kwa gatanu k’uyu mwaka none ageze ku mwanya wa 90 ku isi.

amavgabon14

Nyuma yo kuzamuka iyi myanya yose, Umutoza w’Amavubi Stephen Constantine yagize ati : ‘Ndishimye cyane kubera uyu musaruro turimo kugeraho muri iyi minsi. Ndashaka gushimira abakinnyi cyane kuko bamaye ibyo nabasabye byose,’

Mu karere Uganda ni yo yonyine iza imbere y’u Rwanda aho iri ku mwanya wa 78 ku isi, mu gihe ibihugu nk’u Burundi bikomeje gusubira inyuma.

Muri Afurika, Algeria, Tunisia na Cote d’Ivoire nizo ziza mu myanya itatu ya mbere.

Abadage baracyayoboye isi ya ruhago nyuma yo gutwara igikombe cy’isi cyo muri Brasil, mu gihe Abongereza bakomeje kwibura mu makipe 10 ya mbere kuku ubu babarizwa ku mwanya wa 13.

Tanga igitekerezo na Facebook

Tanga igitekerezo