U Rwanda ntiruzajurira muri FIFA

Yanditswe na Admin ku wa 08.09.2014 saa 15:50 | Yasuwe : 518

Nyuma y’ibiganiro hagati y’ubuyobozi bwa FERWAFA na Ministeri ya Siporo n’umuco (Minispoc), umwanzuro wamaze gufatwa ko U Rwanda rutazajurira ibihano rwafatiwe na CAF mu rukiko nkempuramaka rwa Siporo (TAS/CAS).

Ku gicamunsi cyo kuri uyu wa Gatandatu ku ya 30 Kanama 2014, FERWAFA yakiriye ubutumwa bw’Umunyamabanga wa CAF, Bwana Hicham El Amrani bumenyesha ko Ubujurire bw’u Rwanda butakiriwe bityo rusezerewe bitajuririrwa mu majonjora y’Igikombe cy’Afurika cy’Ibihugu kizabera muri Maroc umwaka utaha.

CAF yahamije u Rwanda ikosa ryo gukinisha Birori Daddy, bavuga ko afite imyirondoro ibiri y’ubwenegihugu bubiri butandukanye.

Nyuma y’ibiganiro hagati ya FERWAFA na MINISPOC kuri uyu wa gatanu, hemejwe y’uko ingufu zose zishoboka zishirwa mu gutegura ikipe y’igihugu izakina imikino nyafurika ya CHAN izabera mu Rwanda muri 2016.

fifa-logo

Ikindi kemejwe n’uko abana bakiri bato (U15 na U17) bategurwa bagashakirwa amarushanwa yo gukina kugirango bazamure impano zabo kuburyo mu mwaka wa 2017, U Rwanda ruzaba rufite nibura abakinyi 100 bakomeye bashobora guhamagarwa mu ikipe nkuru y’igihugu.

Amakipe asinyisha abakinyi ndeste akanabahindurira ibyangombwa bibaranga basabwe y’uko bihagarikwa kandi n’abafite abakinnyi bakekwaho kuba bafite ibyo bibazo by’amazina ntabwo bazamererwa kongera gukina muri shampiyona yo mu Rwanda ndeste n’ikipe y’igihugu Amavubi.

Inkuru : Ferwafa

Tanga igitekerezo na Facebook

Tanga igitekerezo