U Rwanda na Tanzania i Mwanza tariki 22/01/2015

Yanditswe na Admin ku wa 20.01.2015 saa 14:13 | Yasuwe : 924

Umutoza w’ikipe y’igihugu y’abatarengeje imyaka 23, Stephen Constantine yahamagaye abakinnyi 25 bo gutegura umukino wa gicuti na Tanzania uteganyijwe kuba tariki ya 22/01/2015 kuri Stade ya Kirumba i Mwanza.

Uyu mukino uri mu rwego rwo kwitegura amajonjora y’igikombe cy’Afurika cy’abatarengeje imyaka 23 azaba muri uyu mwaka guhera mu kwezi kwa kane.U Rwanda rugiye gukina na Tanzania nyuma yo kunganya 0-0 n’igihugu cy’u Burundi mu mukino wabaye tariki ya 20/12/2015 I Kigali.

Umutoza Stephen Constantine aragera mu Rwanda mu mpera z’iki cyumweru azakoresha imyitozo guhera kuwa mbere tariki ya 19/01/2015 kuri Sitade Amahoro nyuma yaho abakinnyi bose bahamagawe bageze kuri Hotel La Palisse I Nyandugu aho ikipe izakorera umwiherero.

nd-61c2f

Ikipe y’igihugu izakora imyitozo kabiri ku munsi kuva kuwa mbere kugeza kuwa gatatu mugitondo mbere y’uko berekeza I Mwanza kuwa gatatu nyuma ya saa sita.

Mu majonjora yo gushaka n’itike y’imikino Olimpiki izabera i Rio de Janeiro mu 2016, u Rwanda ruzahura na Somalia itsinze ikine na Uganda mbere yo guhura na Misiri itsinze ibone itike.

Imikino ya nyuma izabera muri Congo Kinshasa kuva tariki ya 5-19 Ukuboza 2015, amakipe atatu ya mbere ahagarire Afurika mu mikino olimpiki mu 2016.

Abakinnyi bahamagawe :

Abanyezamu : Nzarora Marcel (Police FC), Steven Ntalibi (Police FC) na Olivier Kwizera (APR FC)

Ba Myugariro : Soter Kayumba (AS Kigali), Ismail Nshutiyamagara (APR), Emery Bayisenge (APR), Michel Rusheshangonga (APR), Fitina Omborenga (SC Kiyovu), Janvier Mutijima (AS Kigali) na Eric Rutanga (APR).

Abakina hagati : Haruna Niyonzima (Yanga), Jean Baptista Mugiraneza (APR), Rachid Kalisa (Police), Justin Mico (AS Kigali), Savio Nshuti Dominique (Isonga), Patrick Sibomana (APR), Jean Claude Zagabe (Mukura), Kevin Muhire (Isonga), Andrew Buteera (APR) na Emmanuel Sebanani (Police).

Ba Rutahizamu : Ernest Sugira (AS Kigali), Danny Usengimana (Isonga), Bertrand Iradukunda (APR), Innocent Ndizeye (Amagaju) na Issa Bigirimana (APR).

NB : Abakinnyi barengeje imyaka 23 :

Ismail Nshutiyamagara (APR), Haruna Niyonzima (Yanga), Jean Baptista Mugiraneza (APR), Jean Claude Zagabe (Mukura) na Ernest Sugira (AS Kigali)

Tanga igitekerezo na Facebook

Tanga igitekerezo