Tuyisenge Pekeyake ashobora gusimbura Ndayisenga Fuadi

Yanditswe na Rwanda Football ku wa 30.06.2015 saa 09:40 | Yasuwe : 1,274

Tuyisenge Pekeyake uzwi hano mu Rwanda nka Pekinho ari mu biganiro  n’ikipe ya Rayon Sports yahoze akinira mu myaka ya 2008 kugeza 2010 ari naho yubakiye izina rye mu mupira w’ amaguru hano mu Rwanda.

Ikipe ya Rayon Sports ikaba ishaka uyu musore kugira ngo aze gusimbura Ndayisenga Fuadi wagiye muri Sofapaka muri Kenya  bakina ku mwanya umwe basatira baciye ku ruhande rw’ibumoso.

Uyu musore mu mwaka ushize w’imikino yakinaga mu ikipe ya Vital’o y’i Burundi kuva muri Kanama 2014 aho yagiye avuye muri Kiyovu SC ajyanwe n’umutoza Kanyankole Yaoundé watozaga Kiyovu umwaka ushize .

pekeyake

Nyuma yo kugera i Burundi agafatisha umwanya ubanzamo ndetse akanakina CECAFA iheruka, uyu mukinnyi yatangiye gushakishwa n’amakipe yo mu Rwanda harimo Rayon Sports ari nayo ishobora kumwegukana ndetse na Kiyovu yahozemo.

Muri gashyantare uyu mwaka Pekeyake yaagarutse mu Rwanda akora imyitozo muri Rayon sport yatozwaga na Mfutira,yaje no gushyirwa mu bakinnyi 18 bari gukina igikombe cyo kurwanya SIDA, gusa biza kurangira iyi kipe y’i Nyanza itamusinyishije ahanini kubera ibibazo by’ibyangombwa. biteganyijwe ko uyu musore azatangira umwaka utaha w’imikino muri Rayon Sports.

Pekinho yamenyekanye muri Rayon Sports yigaga mu mashuri yisumbuye ahagana mu mwaka wa 2008. Uburyo yitwaraga mu kibuga kandi akiri muto byatumye umutoza Branco Tucac amuhamagara mu ikipe y’igihugu ndetse amuha akabyiniriro ka Pekinho kubera amacenga yamubonanaga. Nyuma yo kuva muri Rayon Sports yakiniye Etincelles, Police, Kiyovu SC ahita ajya muri Vital’o.

Tanga igitekerezo na Facebook

Tanga igitekerezo