Tubize FC yaguze Salomon Nirisarike agera kuri miliyoni 223 z’amanyarwanda

Yanditswe na Rwanda Football ku wa 09.06.2016 saa 09:51 | Yasuwe : 692

Myugariro mpuzamahanga w’umunyarwanda, Salomon Nirisarike wari usanzwe akinira ikipe ya Saint Trond, yamaze gusezera kuri iyi kipe yerekeza mu ikipe nshya ya FC Tubize mu cyiciro cya kabiri mu Bubiligi

Tubize FC ikaba yamutanzeho ama-Euro ibihumbi 250, ni ukuvuga asaga miliyoni 223 n’ibihumbi ijana na mirongo icyenda n’abirindwi uyavunje mu mafaranga y’amanyarwanda (223,197,000Frw).

Nk’uko Salomon Nirisarike yabyitangarije yasinye amasezerano y’imyaka ibiri muri iyi kipe ibarizwa mu cyiciro cya kabiri muri shampiyona yo mu Bubiligi, nyuma yaho ubuyobozi bwayo bumwegereye bukamugaragariza ko bumwifuza cyane mu rugamba barimo rwo kuzamuka mu kiciro cya mbere, dore ko uretse uyu mukinnyi iyi kipe irimo inarambagiza abandi bakinnyi bakomeye hirya no hino.

salomon3

Yagize ati : “Tubize ni equipe nziza ifite intego yo kuzamuka niyo mpamvu irimo gushyiramo ingufu nyinshi. Ni ikipe yankubiye hafi kabiri umushahara nabonaga muri Saint Trond, banangura n’ibihumbi 250 by’ama-Euro, urabyumva ntabwo nayanga “.

Nk’uko Nirisarike yakomeke abitangaza, ikipe ya Saint Trond avuyemo yamuhembaga ibihumbi 9000 by’ama-Euro(8,035,094Frw), mu gihe mu ikipe ya Tubize azajya ahembwa ama-Euro ibihumbi 15000,000(13,391,825Frw).

Nirisarike mu ikipe ya FC Tubize mu cyiciro cya kabiri mu Bubiligi
Nirisarike mu ikipe ya FC Tubize mu cyiciro cya kabiri mu Bubiligi

Abajijwe intego afite nyuma yo kwerekeza muri iyi kipe, Salomon Nirisarike, yagize ati “ Intego yanjye ni ugukina imikino myinshi, hari equipe zizaba zinkurikirana zo hanze kandi ndi hafi yokubona ubwenegihugu mukwa 8 nabyo bizamfasha gukina bitangoye hano iburayi.”

Nirisarike Salomon w’imyaka 23, yambaraga nimero 24 mu ikipe ya Saint Trond, yakinnye mu ikipe y’Isonga FC (2011-2012), Royal Antwerp (2012-2014), Sint-Truidense (2014-2016).

Muri 2012 yaguzwe na Royal Antwerp, ikipe ya mbere yakiniye akiva mu Rwanda
Muri 2012 yaguzwe na Royal Antwerp, ikipe ya mbere yakiniye akiva mu Rwanda

Ubwo Amavubi aheruka gukina na Mozambique mu gushaka itike ya CAN 2017, taliki 04 Kamena 2016, Nirisarike Salomon ntabwo yitabiriye umwiherero w’ikipe y’igihugu havugwa byinshi birimo ko yaba yarivumbuye kubera kuko ku mukino waherukaga Amavubi yatsinzemo Mauritius ibitego 5-0 yabanje ku ntebe y’abasimbura. Nirisarike yatangaje  ko nta kibazo na gito afite ko yiteguye kugaruga mu ikipe y’igihugu igihe umutoza azaba amuhamagaye.

Yayivuyemo yerekeza muri Saint Trond mu cyiciro cya mbere muri 2015
Yayivuyemo yerekeza muri Saint Trond mu cyiciro cya mbere muri 2015
Tanga igitekerezo na Facebook

Tanga igitekerezo