Tombola ya CHAN 2016 izaba tariki ya 05 Mata 2015

Tombola y’uko amakipe azakina mu majonjora yo gushaka itike yo gukina imikino yanyuma y’irushanwa rya CHAN 2016 rizabera mu Rwanda  izaba tariki ya 05/04/2015, saa 16h00 I Cairo mu Misiri.

Mu mukino y’amajonjora ya CHAN, amakipe 42 azashyirwa muri tombola izakinirwa mu turere dutandukanye tugize Afurika.

chan2016

Aya niyo makipe azakina :

*Northern Zone (imyanya 2) – Libya, Morocco, Tunisia

*Zone West A (imyanya 2) – Gambia, Guinea, Guinea Bissau, Liberia, Mali, Mauritania, Senegal, Sierra Leone

*Zone West B (imyanya 3) – Burkina Faso, Côte d’Ivoire, Ghana, Niger, Nigeria, Togo

*Central Zone (imyanya 3) – Cameroon, Central African Republic, Congo, Chad, DR Congo, Gabon

*Central-East Zone (imyanya 3 irimo n’igihugu kizacyira iri rushanwa) – Burundi, Djibouti, Ethiopia, Kenya, Sudan, Tanzania, Uganda

*Southern Zone (imyanya 3) – Angola, Botswana, Comoros, Mauritius, Lesotho, Mozambique, Namibia, Seychelles, South Africa, Swaziland, Zambia, Zimbabwe

Amakipe azakina amajonjora inshuro ebyiri usibye amajonjora yo muri zoni yo mu majyaruguru ya Afurika aho amakipe atatu azakina hagati yabo kugirango haboneke amakipe abiri azerekeza mu mikino yanyuma izabera mu Rwanda.

Amajonjora ya CHAN 2016 azatangira tariki ya 19-21/06/2015 kugeza tariki ya 28-30/08/2015 aho amakipe 15 azayongera ku Rwanda mu mikino yanyuma izabera I Kigali kuva tariki ya 16/01/2016 kugeza tariki ya 07/02/2016.

Ibihugu byatsinze amarushanwa ashize y’irushanwa rya CHAN, rikinwamo n’abakinyi bakina muri shampiyona zo mu bihugu byo muri Afurika ni DR Congo (2009), Tunisia (2011) na Libya (2014).

Tanga igitekerezo na Facebook

Tanga igitekerezo