Tibingana Charles Mwesigye yasezeye muri APR FC

Yanditswe na Admin ku wa 19.07.2015 saa 08:42 | Yasuwe : 1,190

Umukinnyi Rutahizamu Tibingana Charles yanditse ku rukuta rwe rwa Facebook  ashimira  ikipe  ya APR FC, igihe  bamaranye  n’ibyo bamufashije byose.

Tibingana Charles yari amaze umwaka wose adakina kubera  ikibazo cy’ibyangombwa by’ubwenegihugu.Tibingana akaba kandi   yari amaze imyaka  2 akinira ikipe ya  APR FC.  Yatangiye kuyikinira nyuma  y’uko akinira ikipe y’igihugu Amavubi  y’abatarengeje 17  yakinaga muri Mexico  muri 2012.

Tibingana yatangarije itangazamakuruko  yari arambiwe  kwicara adakina ati ” nabisabye  ikipe  ya APR FC kandi  banyijeje  ko bazansubiza  kandi  vuba nkagenda.

Charles-Tibingana

Yirinze gutangaza  ikipe azajyamo   kuko ataramenya  iyo bazamvukana   neza ariko  ubu arimo kuvugana  na Rayon Sports.

Ku ruhande rwa APR Umuvugizi wayo Gatete George yahakanye ko batigeze babona  urwandiko  rwa   Tibingana Charles Mwesigiye  rusezera.

Ati “ikibazo cy’Umukinnyi Tibingana Charles Mwesigiye  cyari uko atarabona ubwenegihugu ariko  siwe wari ugifite wenyine.”

Gatete yavuze ko ikibazo cya Tibingana  cyari hafi gukemuka  ariko ashobora kuba yarambiwe gutegereza  cyane ko yari ameze igihe adakina

Ati ”  nitubona urwandiko  tuzamusubiza”.

tibingana-charles

Tibingana yakinaga  ku ruhande rw’iburyo mu bakinnyi b’imbere   yambaraga  Nomero 17 akaba  yararangije amasezerano y’imyaka ibiri.Yaje mu Rwanda aturutse  mu ikipe bita Victoria FC,  ikipe y’ishuri  ry’Abongereza  riba muri Uganda.

Tanga igitekerezo na Facebook

Tanga igitekerezo