Tanzania U17 yatsindiye i Kigali Cameroun U17 mu mukino wa gicuti

Yanditswe na Rwanda Football ku wa 02.04.2019 saa 08:31

Ni imikino ya gicuti irimo guhuza amakipe y’ingimbi zitarengeje imyaka 17 y’ibihugu bitatu , Rwanda, Tanzania na Cameroun irimo gukinirwa mu Rwanda guhera tariki 28 Werurwe ikazasozwa tariki 4 Mata 2019.

Umukino wa mbere wafunguruye iri rushanwa rya gicuti ikipe y’igihugu y’u Rwanda yatsinzwe na Cameroun ibitego 3 -1 naho mukino wa kabiri wakinwe kuri uyu wa mbere ikipe y’igihugu ya Tanzania yatsinze ibitego 2-1 Cameroun.

Tanzania yafunguye amazamu ku munota wa cyenda w’umukino ku gitego cya kapiteni wayo Abraham Maurice nyuma yo gucenga ba myugariro ba Cameroun.

Ikipe zombi zakomeje gusatirana cyane kuko ni umukino warimo ishyaka ryinshi ku mpande zombi. Ku munota wa 52 w’umukino Cameroun yaje kwishyura igitego ibifashijwemo na Yannick Noah.

Igitego cya Tanzania gishimangira intsinzi cyabonetse ubwo umusifuzi yongeyeho iminota itatu y’inyongera gitsinzwe na Swakali Arafat ku mupira w’umuterekano yateye coup franc nziza igana mu izamu.

Ni imikino yateguwe na FERWAFA ku bufatanye na BINEWA Sports Management company ikorera muri Cameroun ikora ibintu byo gushakira ikipe (clubs) ndetse n’ikipe z’ibihugu imikino ya gicuti.

Ikipe y’igihugu ya Cameroun na Tanzania z’abatarengeje imyaka 17 ziritegura imikino y’igikombe cya Africa muri iki cyiciro kizabera muri Tanzania guhera tariki 14 – 28 Mata 2019. U Rwanda ruzakina na Tanzania ku wa kane tariki 4 Mata kuri stade ya Kigali saa 15:30. Mu mikino yo gushaka itike y’igikombe cya Africa cy’abatarengeje imyaka 17 u Rwanda rwasezerewe na Tanzania muri 1/2.

U Rwanda rwatsinzwe na Cameroon 3-1

Tanzania yahise igira amanota atatu ayishyira ku mwanya wa kabiri inyuma ya Cameroun nayo ifite amanota atu n’igitego kimwe izigamye mu gihe u Rwanda turi ku mwanya wa nyuma nta nota ahubwo barimo umwenda w’ibitego bibiri (2). Umukino wa nyuma uzahuza u Rwanda na Tanzania kuwa Kane tariki ya 4 Mata 2019 kuri sitade ya Kigali (15h30’).

Abakinnyi babanje mu kibuga:

Cameroun XI: Beubap Bruno (GK,1), Nyong Loric 19, Ndzie Fabrice (C,15), Ze Essono Junior 13, Patrice Ngolna 18, Mintongo Arc-En-Ciel 20, Amadou Douda 4, Mvoue Steve 10, Moumbagna Camal Ryan 7, Wamba Leonel 9, Yannick Noah 11.

Tanzania XI: Mwinyi Yahya (GK,20), Msanga Alphonse 6, Pascal Msindo 12, Ally Rutibinga 15, Arafat Swakali 16, Masungwi Chananja 7, Moustapha Nakunku 4, Abraham Maurice (C,18), Kelvin John 10, Edmond John 9, William Dominique 14.

Tanga igitekerezo