Sunrise yiyemeje kudakinisha abanyamahanga

Yanditswe na Rwanda Football ku wa 29.05.2015 saa 17:27 | Yasuwe : 757
Ikipe yo mu ntara y’ibirasirazuba a Sunrise  FC nta munyamahanga izifashisha umwaka utaha wa shampiyona y’icyiciro cya mbere mu Rwanda.Umuyobozi w’ikipe ya Sunrise Habanabakize Fabrice  avuga ko uyu mwaka abanyamahanga bari bazanye babapfiriye ubusa ntamusaruro babonye bituma bafata iki cyemezo.Habanabakize yagize ati ” abanyamahanga tubatangaho amafaranga menshi kandi ntibagire akamaroo tuba tubitezeho niyo mpamvu twafashe icyemezo cyo gutegura abana b’Abanyarwanda  tuzifashisha umwaka utaha”.Avuga ko mu mikino itatu ya nyuma ya shampiyona bakinnye  bifashishije abana bato kandi babashije gutanga umusaruro uhagije ku rwego rwabo ndetse bishimisha n’ubuyobozi bw’ikipe.

sunriseMu bakinnyi b’abanyamahanga bahombeye Sunrise ni Kauma Charles wari myugariro  ndetse benshi bemezaga ko ku burambe afite mu kibuga buzafasha ikipe ya Sunrise, kubera amakipe yakinnyemo mu Rwanda nka Kibuye FC (yasenyutse), Atraco (yasenyutse), Rayon , Police, Musanze, Sunrise .Kuri ubu uyu myugariro yamaze no kwirukanwa azira kurya ruswa ku mukino wabahuje na Musanze.Abandi banyamahanga bakiniraga iyi kipe ni Segawa uturuka muri Uganda, Shaka Robert wo muri Uganda ndetse na Sova Ali uturuka i Burundi.

Ikipe ya Sunrise yasoje shampiyona ya 2014-2015 iri ku mwanya wa  kane muri shampiyona y’icyiciro cya mbere mu Rwanda n’amanota 40.

Tanga igitekerezo na Facebook

Tanga igitekerezo