Sunrise yateguye irushanwa ry’amakipe ane

Yanditswe na Rwanda Football ku wa 10.09.2014 saa 10:39 | Yasuwe : 1,146

Ikipe nshya mu cyiciro cya mbere ikomoka mu burasirazuba  Sunrise FC yateguye irushanwa ry’amakipe ane ya hano mu gihugu mbere y’uko shampiyona y’igihugu y’umupira w’amaguru itangira.

Iri irushanwa rizamara iminsi ibiri kuva tariki ya 13 kugeza 14 Nzeli 2014 i Rwamagana rikazitabirwa n’amakipe Sunrise yariteguye , APR FC, Police FC, As Kigali na Sunrise FC.

sunrise

Habanabakize Fabrice, umuyobozi wa Sunrise  FC yagize ati “ni irushanwa ryo gutegura shampiyona, ni akantu kameze nka shampiyona ntoya kugira ngo dukine n’amakipe ane azaryitabira”.Akomeza avuga  ko ari ugukina n’amakipe akomeye yakinaga muri shampiyona y’iguhugu y’icyiciro cya mbere yo kugira ngo barusheho kwitegura.Yagiize ati ” ni uburyo bwo gukangurira abafana kwitabira imikino y’ikipe yabo no kuyigirira urukundo ”.

Muri iryo rushanwa bazahitamo ikipe ya mbere, iya kabiri, iya gatatu n’iya kane kugira ngo izaba yabaye iya mbere ihembwe.Uyu muyobozi asoza avuga ko ibihembo bakibishakisha, akaba ari mu rwego kugira ngo bagirane ubufatanye n’ayo makipe, kuko bashaka kubaka ikipe ifite imbaraga yabasha guhangana n’andi yubatse izina mu Rwanda.

Tanga igitekerezo na Facebook

Tanga igitekerezo