Sugira Ernest wasezerewe muri Vita Club yasinyiye APR FC umwaka umwe

Yanditswe na Admin ku wa 11.08.2017 saa 17:16 | Yasuwe : 83

Rutahizamu  Ernest Sugira yerekeje mu ikipe ya APR FC nyuma yo gutandukana n’ikipe ya AS Vita CLub yo muri Repbulika iharanira Demokarasi ya Kongo yari amazemo umwaka.

Uyu musore wiyerekanye cyane mu mikino ya CHAN yabereye mu Rwanda muri 2016 akaza kugurwa n’ikipe ya AS Vita Club y’i Kinshasa , ntabwo yaje guhirwa mu ikipe ya AS Vita Club, atandukana nayo nyuma y’umwaka umwe gusa aho atanabashije kwigaragaza cyane.

Sugira Ernest ntiyahiriwe muri As Vita Club y’i Kinshasa

Uyu musore wifuzwaga n’amakipe menshi yaba ayo mu Rwanda ndetse no hanze, akaba yatangaje ko yasinye amasezerano y’umwaka mu ikipe ya APR FC. Nibyo koko icyo nakubwira ni uko amakuru ari mpamo nasinye umwaka muri APR FC, ibindi biramenyakana mu gihe kiri imbere.” -Sugira Ernest

Ernest Sugira asubiye muri APR FC nyuma yo gutandukana nayo muri 2015 akerekeza muri AS Kigali.

Tanga igitekerezo na Facebook

Tanga igitekerezo