Stephen Constantine yamahagaye 25 ba U23 kwitegura u Burundi

Yanditswe na Rwanda Football ku wa 14.12.2014 saa 12:36 | Yasuwe : 931

Umutoza w’ikipe y’igihugu y’abatarengeje imyaka 23, Stephen Constantine yahamagaye urutonde rw’abakinnyi 25 azifashisha mu gutegura umukino wa gicuti uzahuza ikipe y’igihugu y’u Rwanda niy’u Burundi tariki 20/12/2014 i Kigali.

Abakinnyi bahamagawe basabwe kugera kuri La Palisse Hotel I Nyandungu aho uyu mwiherero uzabera ku cyumweru  kuva saa 18:00. Ikipe y’u Burundi yatsinze Tanzaniya ibitego 2-1 mu mukino wa gicuti wabaye tariki 9/12/2014 i Dar es Salaam.

Uyu mukino uzahuza u Rwanda n’u Burundi ugamije gufasha ikipe ya U23 kwimenyereza mbere y’uko bakina imikino y’amajonjora yo gushaka tike y’igikombe cya Afurika mu mikino Olempike.

costantinestephen

Tombola yabereye muri Etiyopiya mu kwezi kwa cyenda yasize u Rwanda rutomboye Somaliya mu cyiciro cya mbere cy’abatarengeje imyaka 23, rwaramuka ruyitsinze rugahita ruhura n’abagande.

Ikipe izatsinda hagati ya Uganda n’u Rwanda izakina na Misiri mu cyiciro cya nyuma cy’aya majonjora, aho ikipe izatsinda izahita ibona itike yo kwerekeza mu gikombe cya Afurika gishobora kwimurirwa muri Zambia kuva 5-19/12/2015, nyuma yaho Congo Kinshasa itaruzuza ibisabwa kugirango ibe yakwikira iri rushanwa.

Ibihugu bitatu bizaba byitwaye neza bikazaserukira Afurika mu mukino Olempike izabera i Rio de Janeiro, Brazil muri 2016.

Ikipe yahamagawe:

Abanyezamu: Marcel Nzarora (Police), Steven Ntalibi (Police) na Olivier Kwizera (APR)

Ba Myugariro: Michel Rusheshangoga (APR), Eric Rutanga (APR), Emery Bayisenge (APR), Ismael Nshutiyamagara (APR), Fitina Ombelenga (Kiyovu), Alipe Majyambere (Rayon), Soter Kayumba (AS Kigali) na Janvier Mutijima (AS Kigali)

Aba Mediyateri: Jean Baptista Mugiraneza (APR), Rashid Kalisa (Police), Robert Ndatimana (Rayon), Kevin Muhire (Isonga), Patrick Sibomana (APR),Savio Nshuti Dominque (Isonga), Alphonse Zagabe (Mukura), Jean Marie Muvandimwe (Gicumbi) na Justin Mico (AS Kigali)

Ba Rutahizamu: Bertrand Iradukunda (APR), Erneste Sugira (AS Kigali), Danny Usengimana (Isonga), Innocent Ndizeye (Amagaju) na Bienvenu Mugenzi (Marines)

Tanga igitekerezo na Facebook

Tanga igitekerezo