Star Times yongereye shampiyona yo mu Budage mu ifatabuguzi ryayo

Ubuyobozi bwa StarTimes mu Rwanda bwatangaje gahunda yabwo yo gushyira ingufu mu kwerekana imikino nyuma yo kwakira ibyifuzo by’Abanyarwanda batandukanye bashakaga ko amashene ya siporo nayo yabageraho kandi ku giciro gito.

Ibyo byatangarijwe mu kiganiro n’abanyamakuru kui uyu wamber .Imwe mu mikino ikunzwe na benshi igiye kujya inyura kuri Star Times ni Shampiyona yo mu Budage izwi nka Bundesliga.

Mu gihe mu Rwanda hari abakunzi b’imikino mpuzamahanga cyane cyane ab’umupira w’amaguru bakunze kugaragaza ko bakeneye kureba imikino imwe n’imwe yo ku mugabane w’Uburayi ariko ifatabuguzi ry’amateleviziyo rikabona umugabo rigasiba undi kubera igiciro kiri hejuru cyane.

Kuri ubu StarTimes, Sosiyete Mpuzamahanga icuruza ifatabuguzi ry’amateleviziyo iratangaza ko izajya yerekana imikino ya shampiyona yo mu Budage Bundesiliga,ikaba ije yiyongera ku yindi mikino itandukanye yagaragaraga ku mashene atandukanye ya StarTimes.

starstimebund

Hussein Kamanzi umukozi muri StarTimes ushinzwe imenyekanishabikorwa n’ubucuruzi yavuze birambuye ku bijyanye n’amasezerano hagati ya shampiyona y’Ubudage na StarTimes.

Yagize ati”Aya masezerano twayasinye mu byumweru bibiri bishize,ariko ubwumvikane bwo bwagiye bukomeza,tumaze gusinya amasezerano hari ibyo Bundesiliga yadusabye,yadusabye ko ibyo dukorana byose tugomba gukorana n’itangazamakuru,kuko barimo gusigara, kandi bafite abakinnyi beza n’amakipe meza”

Kamanzi yakomeje avuga kandi ko mu byo shampiyona yo mu Budage yemeye ni uko ku bufatanye na StarTimes hazajya hoherezwa umunyamakuru mu Budage maze agkurikirana imikino imwe n’imwe mu rwego rwo kugeza ku banyarwanda amakuru yigereyeho imbona nkubone.

Mu byo StarTimes yasabye ubuyobozi bw’umupira w’amaguru mu Budage ni ukuyifasha kuzamura umupira w’amaguru biciye mu bakiri bato kandi impande zombi zikaba zaremeranijwe ku mbanziriza mushinga igisigaye kikaba ari ukubishyira mu bikorwa.

Ubuyobozi bwa Shampiyona yo mu Budage kandi bukaba bwaremereye StarTimes ko buzajya buyifasha kugeza mu Rwanda abakinnyi bagacishijeho ku isi bagakundwa n’abantu benshi aho ku ikubitiro basabye ko haza Michael Ballack wakiniye igihe kinini amakipe yo mu Budage ndetse n’ayo mu Bwongereza hakiyongeraho n’abandi abakunzi b’umupira w’amaguru bazajya bifuza kubona.

Kuba mu Rwanda hagiye kuboneka amateleviziyo yerekana imikino itandukanye yo ku mugabane w’Uburayi birasa n’igisubizo cyiza ku bashakaga kureba imikino ariko bakazitirwa n’igiciro kiri hejuru cy’ifatabuguzi.

Ifatabuguzi rya StarTimes ryari risanzwe rigaragaraho imikino itandukanye yo ku mugabane w’Uburayi,muri yo twavuga nk’igikombe cy’umwami muri Esipanye,imikino y’amakipe yabaye aya mbere ku mugabane w’Uburayi ndetse n’ibikombe by’isi mu byiciro bitandukanye.

StarTimes ikorera mu Rwanda kuva mu mwaka wa 2008 kuri ubu ikaba ifite abafatabuguzi barenga ibihumbi 160 hirya no hino mu gihugu.

Source: Imirasire

Tanga igitekerezo na Facebook

Tanga igitekerezo