Sostène Habimana umutoza wungirije muri Rayon

Ikipe ya Rayon Sports yatangaje ko Sostène Habimana ariwe  umutoza uzungiriza Jean Francois Loscuito guhera muri shampiyona itaha.

Umuyobozi wa Rayon Sports Ntampaka Théogène yatangaje ko uwari umutoza wungirije Mbusa Kombi Billy yarangije amasezerano ye kandi ko Sostène yaje  mu rwego rwo kongerera ubushobozi ikipe.Yavuze kandi ko Billy azashakirwa akandi kazi muri Rayon Sports.

sostene-habimana

Sostène Habimana ni umwe mu batoza bakiri bato bamaze kumenyekana mu mupira nyarwanda kuko yatangiye gukina umupira ari muri KIST , aza gukinira na Rayon Sports  ndetse yari no mu ikipe y’igihugu Amavubi Rwanda B yatwaye Cecafa 1999 hano i Kigali

Uyu mugabo utuje kandi uvuga macye yatangiriye akazi ke k’ubutoza mu ikipe ya AS Muhanga akomereza muri  SEC Academy.

Mbusa Kombi Billy asimbuye yakiniye  Rayon Sports imyaka itanu yose ,akaba yari muri rayon Sports batwaye igikombe cya CECAFA mu 1998.

Tanga igitekerezo na Facebook

Tanga igitekerezo