Somalia U23 yageze i Kigali

Yanditswe na Admin ku wa 23.04.2015 saa 14:30 | Yasuwe : 1,058

Ikipe y’igihugu ya Somalia y’abatarengeje imyaka 23 yageze mu Rwanda ku mugoroba wo kuri uyu wa gatatu mbere y’uko ikina umukino na bagenzi babo b’Amavubi kuwa gatanu mu mukino wo gushaka tike y’igikombe cya Africa n’imikino Olempike.

Somalia yazanye n’indege ya Rwandair ibavana i Nairobi, ikazakina n’Amavubi kuri stade Amahoro mu mukino ubanza naho umukino wo kwishyura ukazaba tariki 09/05/2015 i Nairobi muri Kenya.

Somaliau23

Muri iri jonjora ry’ibanze hagati y’u Rwanda na Somalia izatsinda izahura na Uganda, itsinze hagati ya zombi ihure na  Misiri mu kwezi kwa karindwi uyu mwaka, itsinze hagati yazo ibone tike y’imikino y’igikombe cya Africa cy’abatarengeje imyaka 23 izabera muri Congo Kinshasa mu Ukuboza 2015.

Amakipe atatu ya mbere muri icyo gikombe cya Africa niyo azabona tike y’imikino Olempike ya 2016 izabera muri Brazil.

Tanga igitekerezo na Facebook

Tanga igitekerezo