Singida United yaguze Usengimana Danny kuri miliyoni zirenga 100

Yanditswe na Rwanda Football ku wa 16.04.2017 saa 11:40 | Yasuwe : 451

Rutahizamu w’ikipe y’igihugu Amavubi, akaba n’umukinnyi w’ikipe ya Police FC mu cyiciro cya mbere mu Rwanda, Danny Usengimana yamaze kunvikana n’ikipe yitwa Singida United yo muri Tanzania, kuyikinira imyaka 2.

Uyu musore uyoboye abamaze gutsinda ibitego byinshi muri shampiyona y’icyiciro cya mbere mu Rwanda, akaba yamaze kunvikana n’iyi kipe kuyerekezamo umwaka utaha w’imikino, aguzwe miliyoni zirenga 100 z’amafaranga y’u Rwanda.

Amakuru ducyesha ikinyamakuru RuhagoYacu avuga ko uyu mukinnyi azagurwa $ 100, 000   azashyikirizwa ikipe ya Police FC, naho we akazahabwa agera ku $ 40,000 uyu mwaka w’imikino urangiye.

Dany Usengimana azatangwaho arenga miliyoni 100 z’amafaranga y’u Rwanda

Ikipe ya Police FC yamaze kwemera ibyo ikipe ya Singida ibaha, na Danny Usengimana yamaze kubyemera, akaba agomba kujyayo shampiyona irangiye mu Rwanda. Singida n’ikipe yazamutse mu cyiciro cya mbere muri shampiyona yo muri Tanzania, ariko izamukana imbaraga nyinshi, kuko yahise igura umutoza w’umuholandi Hans Pluijm watozaga Yanga, ikaba iri no kugura abakinnyi bakomeye muri aka karere.

Usengimana Danny yirinze kugira byinshi avuga kuri iyi kipe, ariko yemera ko bamwegereye bakaganira, kandi akabona ari ikipe ifite gahunda. Yagize ati : ” Umuyobozi w’ikipe ya Singida yaranyegereye turavugana, mubwira ko mfite amasezerano y’imyaka 2 muri Police bagomba guca ku ikipe, barayegera, nta byinshi bindi navugaho, Gusa nabonye rwose banshaka cyane, kandi nanjye ibyo nabasabye ngo mbe najya kubakinira nabonye biteguye kubitanga

Biravugwa ko  uyu musore azajya ahembwa $2,500 buri kwezi, akazahabwa kandi inzu yo kubamo, bakamuha n’imodoka imutwara.

Tanga igitekerezo na Facebook

One thought on “Singida United yaguze Usengimana Danny kuri miliyoni zirenga 100

Tanga igitekerezo