Sina Jerome aracyari muri Police FC

Umukinnyi Rutahizamu ukomoka mu gihugu cya Congo Sina Jérome yongereye amasezerano y’umwaka umwe mu ikipe akinira ya Police FC.

Umuvugizi wa Police FC,Jean de Dieu Mayira yatangaje ko :”Sina Jérome twamwongereye amasezerano y’umwaka, yari asigaranye undi  iba ibaye ibiri, ni amasezerano twagiranye n’ikipe ye yo muri Congo ya Virunga.” Ubuyobozi bw’Iyi kipe ariko bwanze gutangaza ingano y’amafaranga azajya ahembwa.

Mayira avuga ko Sina yagiye yifuzwa n’amakipe menshi (cyane cyane Rayon Sports),ariko Police FC nayo ikaba yakoze ibishoboka byose kugira ngo imuhe amasezerano.


sinajerome
Umuvugizi wa Police FC yabwiye Izuba Rirashe ducyesha iyi nkuru  ati, “turabizi ko Rayon Sports yamukurikiranaga n’uko twe twumvikanye n’ikipe ye y’i Goma ya Virunga tuba ariyo tugirana amasezerano”. 

Police FC ivuga ko yagiye kugira amasezerano na Virunga bitewe n’uko ariyo kipe yareze uwo mukinnyi kuva akiri umwana.

Police FC yegukanye umwanya wa 3 mu mikino ya Cecafa Kagame Cup yaberaga mu Rwanda guhera tariki ya 8 kugera 24 Kanama 2014, ariko Sina ntiyakinnye  uwo mukino

Tanga igitekerezo na Facebook

Tanga igitekerezo