Sunrise FC iri kwiyubaka

Yanditswe na Admin ku wa 03.07.2014 saa 10:32 | Yasuwe : 1,052

Ikipe ya Sunrise Fc  ni ikipe yo mu ntara y’Iburasirazuba iherutse kuzamuka iva mu cyiciro cya kabiri yerekeza mu cya mbere.

Mu rwego rwo kwiyubaka ubu imaze guha amasezerano abakinnyi babiri  basanga umwe yari imaze iminsi micye iguze muri iki gihe cyo kugura no kugurisha abakinnyi.

Habanabakize Fabrice, Perezida wa Sunrise  atangaza ko bamaze kugura abakinnyi bo mu cyiciro cya mbere aribo Shaka Robert, Mike Serugawa na Kawuma Charles.Aba bakinnyi baturutse mu gihugu cya Uganda ni bamwe mu bakinnyi bazengurutse amakipe menshi yo mu Rwanda( Atraco, Mukura, Musanze etc..). 

Sunrise

Habanabakize  akomeza atangaza ko bagikeneye abakinnyi benshi mu rwego rwo gukomeza ikipe yabo ngo izinjire mu cya mbere ishobora guhangana n’amakipe amenyereye .

Yagize ati ” ubu turacyakorana ibiganiro n’abandi bakinnyi kuko twifuza ikipe ifite imbaraga twibanda cyane cyane kubo hagati na ba rutahizamu kandi izatanga umusaruro”. Yongeyeho ko igihe kiriho gishira cyo kugura abakinnyi niyo mpamvu barimo gushyiramo imbaraga.

Sunrise FC yabonye itike yo gukina mu kiciro cya mbere umwaka utaha.Iyi kipe yegukanye igikombe cya shampiyona y’ikiciro cya kabiri mu Rwanda nyuma yo  gutsinda Isonga  ku mukino wa nyuma ku bitego 2-1.

Tanga igitekerezo na Facebook

One thought on “Sunrise FC iri kwiyubaka

  • 06/08/2014 at 13:18
    Permalink

    narinarabze ikipe nfana nyayo mbikuy k’umutma mbabazwa nokubona amakipe yahandi none mbony’iyiwacu none rero batwitege2

    Reply

Tanga igitekerezo