Sepp Blatter yongeye gutorerwa kuyobora FIFA

Yanditswe na Admin ku wa 30.05.2015 saa 12:46 | Yasuwe : 955

Bwana Sepp Blatter yongeye gutorerwa kuyobora Ishyirahamwe ry’umupira w’amaguru ku Isi (FIFA) muri kongere ya 65 ya FIFA yabereye i Zurich ku cyicaro cy’iri shyirahamwe kuri uyu wa gatanu.

Blatter, 79, yegukanye itsinzi nyuma yaho Ali Bin Hussein akuyemo kandidatire ye ubwo amatora yari ageze mu cyiciro cya kabiri dore ko mu cyiciro kibanza nta mukandida wigeze agira 2/3 by’amajwi y’abatoye nk’uko amategeko agenga aya matora abigenga, aho Sepp Blatter yabonye amajwi 113 mu cyiciro cya mbere naho Prince Ali Bin Hussein akabona 73.

blatterfifa

Nyuma yo gutsinda amatora Sepp Blatter yatangaje ko ashimiye abamutoye bose ku cyizere bamugiriye, akaba abasaba ko bakomeza gukorana nawe no kongera ingufu mu mirimo bakora yo guteza umupira w’amaguru imbere.

Sepp Blatter akaba agiye kuyobora FIFA mu gihe cy’imyaka ine. Ni inshuro ya gatanu atorewe kuyobora Fifa dore ko ari umuyobozi wayo kuva mu mwaka w’1998 (1988, 2002, 2007, 2011 na 2015).

Kongere ya 2016 izabera muri Mexico hagati y’amatariki ya 12 na 13 Gicurasi 2016.

Tanga igitekerezo na Facebook

Tanga igitekerezo