Rwanda U17 yasezerewe na Uganda

U Rwanda rwasezerewe na Uganda kuri uyu wa gatanu kuri Stade Umuganda i Rubavu (Gisenyi ) mu majonjora y’igikombe cy’Afurika  ku batarengeje imyaka 17 (U17) kizabera muri Niger mu 2015.

Muri uwo mukino wari witabiriwe n’abanyarwanda benshi ikipe y’u  Rwanda ntiyabashije kwihagararaho kuko yatsinze na Uganda ibitego 3-2 , ruhita rusezererwa ku giteranyo cy’ibitego 7-2. Ibi ariko ntawe byatangaje kuko usibye kwigiza nkana benshi bari bayiteguye ukurikije imitegurire y’aba bana ugereranyije na bagenzi babo bakinaga

Ibitego bibiri by’u Rwanda byatsinzwe na o Bagiraneza Rachid ( murumuna wa Ndahinduka Michel Bugesera ) naho Uganda itsindirwa na Sebutinde Charles, Poloto Jilius na Muhamed Shaban .

Nyuma y’umukino umutoza Lee Johnson yagize ati, “Ndashimira abafana bose baje kutuba inyuma ngo tureba niba twakwitwara neza. Ndashimira kandi nkifuriza amahirwe Uganda yashoboye kubona itike yo gukina ikindi cyiciro cy’aya majonjora.Mu minsi maze ntoza iyi kipe, ntago byari binyorohereye ariko nabwiye aba bana ko bakina umupira wa maguru bakikuraho igihugu kandi uyu munsi murabona ko bashoboye kugumana umupira igihe kirekire”

u1714

                                                   Ikipe y’u Rwanda yabataregeje imyaka 17 (Photo : Ferwafa ) 

Yongeyeho ko umusaruro atari mwiza ariko ko yishimiye uburyo aba basore bashoboye kuzamura imikinire yabo mu minsi itanu gusa narimbafite. Ibi nibyo kwishimira kubakinyi na ikipe y’abatoza.

Yakomeje agira ati :“Icyagaragaye nuko abakinnyi bacu nta mikino myinshi bafite mu maguru yabo. Bamwe bakinaga umukino wabo wa kabiri mbere y’ibihumbi bya abafana. Icyo nizera nuko imbere tugana hazaba hari heza cyane kubera ko aba bana bazaba bakina umupira mwiza ushimishije.Dushoboye kugumana aba bana, igihugu cyacu kizaba gifite amakipe y’igihugu meza kandi ashimishije. Ariko sibyiza kwita kuri iyi kipe gusa, dukwiye gushira imbaraga ku myaka yose kugirango habaho guhererekanya abakinyi bakomeze bazamuke mu byiciro by’imyaka igiye itandukanye.Ubu intego dufite nuko twakwagura aho tuzajya dukura abakinyi benshi bashobora kwitabira amakipe y’ibihugu agiye atandukanye,”

Umutoza wa Uganda Mathias Lule yatunguwe n’umukino u Rwanda rwakinnye kubera ko wari utandukanye bigaragara nuwo bakiniye i Kampala. Yongeyo ko u Rwanda rufite ejo hazaza heza ha ruhago niba bashyize imbaraga muri iyi kipe.

Inkuru : Ferwafa

Tanga igitekerezo na Facebook

Tanga igitekerezo