Russia vs Saudi Arabia: Umwana w’Umunyarwanda azaba ahibereye kubera ubuhanga bwe mu guconga ruhago

Yanditswe na Rwanda Football ku wa 12.06.2018 saa 12:15 |

Rutikanga Nyatanyi Yvan Luc, umwana wahagarariye igihugu cy’ u Rwanda mu mu bakinnyi ba ruhago batarengeje imyaka 13, akomeje umwiherereo mu Burusiya hamwe n’abandi bana baturutse mu bihugu 211 aho baniteguye kureba umukino ufungura igikombe cy’Isi 2018.

Ku myaka 11, Rutikanga Nyatanyi Yvan Luc yahagarariye u Rwanda nyuma y’irushanwa ry’umupira w’amaguru mu batarengeje imyaka 13, aho yafashije ikipe ye kwegukana igikombe cya Ligue 4. Ni irushanwa ryari ryateguwe na IJABO RYAWE RWANDA (ishyirahamwe ry’amashuri y’umupira w’amaguru mu Rwanda).

Uretse Rutikanga, undi mu nyarwanda Rutayisire Hirwa Stephane na we bajyanye nk’Umukinnyi ushobora kuzaba Umunyamakuru w’Umwuga. Aba bose bahembwe kujya mu gihugu cy’ u Burusiya bakaba barahageze mu ijoro ryo kuwa gatanu tariki ya 8/6/2018. Bagiye mu mwiherereo n’amahugurwa bisaherekezwa no kureba igikombe cy’isi umukino ufungura irushanwa ku wa 14 Kamena 2018.

Umuhango wo gutangiza ibikorwa byo gufasha aba bana baturutse mu bihugu 211

Ku wa gatandatu nibwo habaye Umuhango wo gufungura ku mugaragaro gahunda yabajyanye igamije gufasha abana kuzaba abakinnyi b’Abanyamwuga, yateguwe na Gazprom ku bufatanye n’Ishyirahamwe ry’Umupira w’amaguru ku Isi (FIFA) iryo ku mugabane w’u Burayi (UEFA) ndetse n’Ishami ry’Umuryango w’Abibumbye rishinzwe siporo.

Ku cyumweru tariki ya 10/6/2018 bahise batangira umwiherero w’imyitozo y’umupira w’amaguru mu buryo bw’umwuga, aho bahise banacibwamo amakipe. Ku munsi wejo hashize, tariki ya 11/6/2018 wari umunsi wa gatatu mu Burusiya, ukaba uwa kabiri w’umwiherero w’imyitozo, dore ko nyuma y’umunsi w’ejo ari na wow a gatatu w’imyitozo bazakina amarushanwa hakurikijwe amakipe bashyizwemo.

Ku myaka 11, Rutikanga Nyatanyi Yvan Luc yahagarariye u Rwanda nyuma y’irushanwa ry’umupira w’amaguru mu batarengeje imyaka 13

Mu gihe abo bakinnyi b’abana bahize abandi mu bihugu byabo barimo kongererwa ubumenyi mu mupira w’amaguru ngo bazakine nk’ababigize umwuga, bagenzi babo babaherekeje nk’abanyamakuru bo barimo guhugurwa muri uwo mwuga, ngo nyuma yo gukina umupira w’amaguru bazabe abanyamakuru b’umwuga.

Tanga igitekerezo na Facebook

Tanga igitekerezo

Powered by Live Score & Live Score App