Rushenguzaminega yemereye De Gaulle ko azakinira u Rwanda ku mukino wa Ghana

Yanditswe na Admin ku wa 16.07.2015 saa 03:25 | Yasuwe : 407

Perezida w’ishyirahamwe ry’umupira w’amaguru mu Rwanda (FERWAFA), Bwana Vincent Nzamwita yagiranye ibiganiro byiza n’umukinnyi w’umunyarwanda Quentin Rushenguziminega kuri uyu wa Gatatu, maze amwemerera ko azakinira U Rwanda mu marushanwa ya CAF/FIFA.

Nzamwita yahuye na Rushenguziminega ukinira w’ikipe ya FC Lausanne-Sport yo mu gihugu cy’Ubusuwisi kuwa gatatu, nyuma yo guhura n’abana b’abanyarwanda baba mu gihugu cy’Ububiligi.

Aganira n’ urubuga rwa Ferwafa, Nzamwita yagize ati, “Nageze iwabo muri Lausanne, nshobora kuganiriza uyu musore ndeste n’ababyeyi be kubirebana no gukinira U Rwanda,”

“Igitecyerezo cy’uko Rushenguziminega yakinira U Rwanda bacyakiriye neza kandi anyizeza ko azaboneka ku mukino uzaduhuza na Ghana w’amajonjora yo gushaka tike yo gukina imikino yanyuma y’igikombe cy’afurika mu kwezi kwa cyenda,”

Nyuma yo gutsinda Mozambique igitego 1-0 mu mukino ubanza w’amajonjora w’itsinda H, ubu ibitekerezo byose biri ku mukino uzahuza U Rwanda na Ghana tariki 05/09/2015.

Nzamwita yaganirije Rushenguziminega nyuma yaho umutoza mukuru w’ikipe y’igihugu McKinstry Johnathan ahuye nawe ndeste n’umusore Kevin Monnet Paquet wa St Etienne yo mu gihugu cy’u Bufaransa mu mukino wa gicuti wabahuje mu cyumweru gishize, warangiye amakipe yombi anganya ibitego 2-2.

rushenguzadegaulle1

Rushenguziminega ufite imyaka 24 y’amavuko azaba ari mu bakinnyi umutoza McKinstry azahamagara mu myiteguro w’umukino na Ghana.

Rushenguziminega Quentin yasinyie ikipe ya Lausanne Sport nyuma yo gutsinda ibitego 23 mu mikino 21 muri Echallens FC muri iki cyiciro.

Mu kiganiro uyu muyobozi yagiranye na Radiyo 10 muri, yavuze ko umwe muri aba bakinnyi, Rushenguziminege Quentin yemeye ko ubwo u Rwanda ruzaba rukina na Ghana yiteguye kuzaza kurufasha.

Muri icyi kiganiro De Gaule yagize ati:” Gahunda yo kubonana n’uriya musore yabaye, nahageze nka saa 17h00 yaje kumfata, ni umusore warezwe cyane nahuye n’umuryango we…………Umuryango we wemeye ko yaza gukinira u Rwanda, ni umwana, yemeye, yabyishimiye ,yashimishijwe n’uko umutoza yaje kumureba . Bidahindutse yemeye ko twazamuhamagara ku mukino tuzakina na Ghana naba agezeyo nta mvune afite, nawe arashaka kubaka kariyeri mpuzamahanga.”

Ku bijyanye na Kevin Monet Paquet nawe, Umunyarwanda ukina mu gihugu cy’Ubufaransa mu ikipe ya Saint Ettiene, De Gaulle yavuze ko bitarakunda neza kuko bitarashoboka ko babonana.

Ati:” Kevin ngira ngo biracyagoranye gato ndamuhamagara ntamfate, ariko ndamwandikira …. Mu gitondo nabonye mesaje ye ambwira ko saa munani aboneka ubwo turabonana nibwo turibumenye icyo bitanga.”

kevinmonnet

Quentin Rushenguziminega akinira ikipe yitwa Lausanne Sport yo mu mujyi wa Lausanne mu Busuwisi, akaba ari rutahizamu. Umuyobozi wa FERWAFA akaba avuga ko bishimishije kuba babonye rutahizamu kuko u Rwanda rwari runakeneye umukinnyi ukina kuri uyu mwanya.

Tanga igitekerezo na Facebook

Tanga igitekerezo